[align=center]
منذ القدم واهل القهوه يفتخرون بها ويرون ان تقديم الفنجال للشخص قبل غيره دليل على قيمته
في القبيله00 واختلف الشعراء فيمن يستحق الفنجال الاول وان كانوا قد اتفقوا على ان الثلاثه
الاوائل الذين يستحقون ذلك هم00 العقيد000 الكريم000الشجاع00
ولكن اختلفوا في ترتيبهم ومن هو الذي يستحقه اولا وكذا الثاني والثالث00
فمثلا الشيخ ذعار بن ربيعان قال:[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
لا ضاق صدري من هموم تولاه=وزاد الـعـماس وقـام صدري يفوحي
انا بلاي الي على الرب مـشـكاه=الي محـرولـنـي وانا ازريت اروحي
لولا شراب العـظم يوم اني املاه=اكويـه بالجـمـره ويكـوي جـروحـي
مع دله صفرا على النار مـركاه=ابصر بـصبـتـهـا عـلى كـيـف روحي
فـنـجالها يشدي خضاب الخونداه=الـجـادل عـنــد اهـلـهــا طــمــوحـي
لاطــق طـقـه مـحــه البـيـض بخباه=لا قام هاجوس الضماير يـجـوحي
يامـكـيـف الفنجال خصص هل الجاه=راعي الجـمـايـل قبل قـن قـموحي
صبه لـمـن هو تـنـثــر الـدم يـمـناه=يـثـنـي جواده عند راعي الـلـدوحي
والـثـانـي اللي ماتـونـي مـطـايـاه=يـضـوي اللـى صكت عليه الـنـبوحي
وعــده لـمـن عــوص الـنـجايب تنصاه=ريف لهن لاجا الزمان الشحوحي
دب الدهـر يـضـحـك عـجـاجه لمن جاه=وقـت الـمـعاسر مارد مايـزوحي
وباقـي رجـال فـحـول نـسـوان ورعاه=ضـباط مال وحافـظـين السروحي[/poem]
[align=center]
هذا واضح انه جعل الشجاع الفارس اولا ثم العقيد القائد ثانيا ثم الكريم ثالثا00
في حين ان ابن مجلاد العنزي قال:[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قـم سـو مـايجـمـد عـلـى الـصـيـن يا ذياب=بدلال يـشـدن الـبـطـاط الــــــــمحـاديـب
احـمـس الى مـن الـعـرق فـوقــــــها ذاب=اسـتـدن مـايـجـذب عـلـيــك الشـــواريـب
والى انـطـلق من ثـعـبـتـه كـنـه إخـضاب=ورس صبغ بكفوف بــــيـض الرعابـيـب
عـــده لـمـن قـاد الـسـرايـا لـلأجـنــاب=لـه مـفـرس يـشـبـع بـه الـطـيـــر والــذيـب
والـثـانـي الـلـي وان لـفـا بـيـتـه ركـاب=قــدام بـيـتــه مـثــل جــزر الـقـصـاصـيب
والـثـالـث الـلـي وان غـشـى الـزمـل ضبـضاب=يرخص بعمره دون زمل الرعـابيب
وبـاقـي الـعـرب يـكـفـيـهم التول ون شاب=قـضـابـة الـمـجـلـس حـمـيـر المشــاعيب
اللي نـهـار الـكـون يـفـزع بـمـــصـلاب =اكـبــار الأنـفــس سـاهـجـديـن الـمواجيب[/poem]
[align=center]فهو رتبهم فجعل الاول العقيد والثاني الكريم والثالث الشجاع الفارس000
واما النوري بن شعلان فقد قال:[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الله علـى مـزة سبيـل العراقـي =اصغر بجيك بلوذة الـتـتـن مفـروك
وفـنـجـال بـن ماهـواه الحراقـي =وصينية يركض بها الـعبـد مـبـروك
صبه لمـن يثنـي علـوم التلاقـي =لاصار عند قطيهن ضرب بـيـلـوك [/poem]
[align=center]فهو وضع الاول الفارس الشجاع وسكت عن الباقين00
واما ابن عشوي من قحطان فقد وجد خاتم ذهب فقامت بناته المتزوجات يطلبونه في الخاتم فاقترح ان كل وحدة نهم تمدح زوجها ببيت واحد والي تجيد المدح لها الخاتم ،
فقالت الاولى :[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا حليلة من يشل الجاثم =لا جا الضحى يسفي عليه السافي [/poem]
[align=center]وكان زوجها حايف وهو الي ياخذ الابل من راعيها في الليل 000
فقالت الثانية :[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا حليلة من يفك التالي =لا ردو لحاهم على الاكتافي [/poem]
[align=center]وكان زوجها شجاع بوصفها هذا لان المنهزم اذا هرب يلتفت للخلف ليرى ان اقترب منه احد وعند التفاته تكون
لحيته على كتفه وهذا تصوير بليغ جدا للخائف المنهزم00
فقالت الثالثة :[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا حـلـيـلة مـن يـجـر ردونه=وسط الجماعة يحـتـري لـلافـي
ارها على الخطار والجماعـة=ليلة نزلنا بالشـعـيـب الجـــافـي [/poem]
[align=center]
وهذا يعني ان زوجها كان كريما فقال ابن عشوي الاخير احسنهم فنفعه دايم وعطى الخاتم لزوجة الكريم 0 اي انه
قدم الكريم على الفارس الشجاع00
وهذه قصيدة دخيل الخوير وهناك من ينسبها للخشيم000[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
لاضاق صدري قـمـت اسـوي مـن الكيف=فـنـجـال بـن مايـغـبـب سريـبـه
بـكرٍ على بـكـرٍ عـذي عـن الـعــيــف=يـطرى على ان نام خطـو الزريـبـه
واللي مـصـبـه كـن لـونـه الـى شيـف=سـلـك الحريـر الـى تمهـل صبـيـبـه
صبـه لـمــمـرورن براسـه زعانـيـف=اللي إلـى شـبـت يـصالـي لـهـيــبـه
ويـثـنـى عـن الـرّبع المـقـفيـن بالسيـف=لاحـل فـي تـال الـتـفـافـيـق ديــبـه
وفـيـنا محازمـنـا اسـوات الـكرانـيـف=ومعنـا خطـاة امـضلـهـبن لاح شـيـبـه
لعيون غـيـدٍ شـرّكـت تـنـثـر الـلــيـف=اللـي شـكـى وارد قـنـاهـا عـسـيـبـه
بـشـرقـي قـفـارن كـنـهـا مزنـة الصيـف=شرقٍ عن البطحـا بجـازع شعـيـبـه
اللـي نـمـاهـا لـلـمـسـايـيـر والـضـيـف=يـوم ان ولـد الـنـذل حـارب قريـبـه
صرنـا لـعـدلات الـمـنـاظــر كـلالـيـف=نـنـجـش لـهـم مـلـح الشفـا كـل عـيـبـه [/poem]
فهو قد وضع الاول الكريم شباب النار اللي يصالي لهيبه وعقبه الشجاع في المرتبه الثانيه00
اما الشاعر زيد بن سلامة الخويرالمتوفي بحدود عام 1334هـ رحمه الله 0
فقد قال في قصيدته المشهوره:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قال الذي يبدع علـى كـل قافـي=من ضامرٍ ياتـن رْيـامٍ مواليـف
بمنومسة لقم على بكـر صافـي=عليه من شغل ابن سكران توليف
خلّه ليا ماتونـس النـذل غافـي=وقرب دلالٍ مثـل بـطٍّ مهاديـف
بدلال ماعنهن سنا النـار طافـي=بوجار من لادونهن بابهم جيـف
مبرهجٍ تسفـي عليـه السوافـي=من خلْقته ماطق في ركزة السيف
واحمس ولقّم بالعجـل يالسنافـي=بشاميةٍ طرّف لها الجمر تطريـف
حماسها قرمٍ من الغـوش شافـي=دايم يقلبها حريصٍ علـى الكيـف
وزلَّه وصَفَّه عن سريب المصافي=من خوفة أحدٍ قال بالكيف ياحيف
كِنَّه ليا منـه غشاهـا الرّعافـي=نثر الذّهب من فوق لوح المشانيف
وبهارها من يمّـة الهنـد لافـي=في مركبٍ يقداه زجر العواصيـف
وان كان تزمل من طيورٍ هوافـي=بيضٍ فسدّ أفواهها باشقر الليـف
فنجالهـا لاشـف بيـن الأشافـي=لاكن يجذب من شفا شاربه شيف
يبرالها من ميـر فِـجّ الخوافـي=بكايرٍ تِرْمَـهْ سهيـلٍ ليـا شيـف
صبه لمن يثني خـلاف المقافـي=يوم الفرنج يقذِّف الملـح تقذيـف
ونفَّل بها اللـي للمـروات وافـي=مادوَّر التَّجْرات بـه والمصاريـف
اللي لياغليـت شراهـا جزافـي=مارطّله عنـد الدلاليـل بنصيـف
ياسامـعٍ منـي علـومٍ تشافـي=خذها من اللي نافلٍ كـل عرِّيـف
دنياك لو ضحكت تراهـا بخافـي=يبرم دواليـب الشِّقـا والتكاليـف
إنهب منه من قبل مالعمـر يافـي=صيٌّور ماتقفي ركابـك مواجيـف
صيُّـور عمـرك ناهـجٍ للذلافـي=سمر الليالـي تكملـه بالتتاليـف
صيُّور مايمسي لظى الجمر طافي=دنيا تفـرق كـل ربـعٍ مواليـف
وليا حصل عزٍّ مع الكيـف كافـي=ماني على الدنيا كثير التحاسيـف [/poem][align=center]
وكما ترون فقد جعل الاول الشجاع اللي يثني خلاف المقافي والثاني الكريم اللي يشريها وهي غاليه00
والموضوع يطول لو اردت الاستقصاء ولكن اكتفي بذلك عن الاطاله والسلام000[/align]
العرض الشجري
