ابيات اخترتها لكم من قصيدة اتمنى ان تنال إعجابكم
الاجواد وان قاربتهم ماتملهم
ولانذال وان قاربتم عفت مابها
الاجوادوان قالوا حديث وفوابه
والانذال منطوق الحكايا كذابها
والاجواد مثل العد من ورده ارتوى
والانذال لاتسقي ولاينسقى بها
الاجواد تجعل نيلها دون عرضها
والانذال تجعل نيلها في رقابها
الاجواد وان ضعفوا فيهم عراشه
ولانذال لو سمنوا معايا صلابها
الاجواد مثل الحوطة المستقلة
حطبها وماها والذرا ينلقى بها
الاجواد صندوقين مسك وعنبر
اليا فتحت ابوابها جاك مابها
الاجوادمثل البدر في ليلة الدجى
والانذال ظلما تايه من سرى بها
الاجواد مثل الدر من شمخ الذرا
والانذال مثل الشري مر شرابها
الانذال وان حايلتهم ماتحيلهم
ولاجواد ادنى ماحيل لها جابها
والانذال وان غسلوا يديهم تنجست
نجاسة قلوب مايجوز الدوا بها
يارب لاتجعل بالاجواد نكبه
من حيث لاضاع الضعيف التجا بها
وانا احب نفس يرخص الزادعندها
يقطعك يانفس جداها هبابها
لعل نفس ما للاجوادعندها
وقار عسى ماتهتني في شبابها
وسلامتكم ورحم الله الشاعر المهادي رحمة واسعه
العرض الشجري
