لقد احس ان عمري ضاع هباء منثورا..

اول شي



لاتنسون ذكر الله


..




لااله الا الله


.




.




.



السلام عليكم..تسيف انتم؟؟
بنوتات صبايا فتيات حلوات جميلات تماسيح وحشون


ودي اخبركم بقضيتي..اه قضيتي وماأدراك ماقضيتي؟؟
قضيه تقشعر لها الابدان<<لايكثر
احس حياتي كأنسانه في بداية عمر الزهور
والشباب قد ذبلت وبدأت بالتحطم والانهيار
تخيلو <<يعني تمعنو بكلمة تخيلو تحسون انه طالعة من تسبد موب قلب..
الزبده..عيال جيراننا وكيف هم هؤلاء العيالين؟؟
هم السبه بكل شي صار لي..
طبعا اخواني في الله وش مسوين بي؟؟
ماغير يدقون على بيتنا واذا مارديت راحو ورنو
الجرس والعكس وعلى هالحاله منذ سنين عديده<<استاهل اللي يجين
قانوني بالبيت ياويله وياسواد ليله اللي يرد عليهن وانا موجوده..
عاد المصيبه الكبرى شوفوا وش يبون؟؟احتري طبق الحلى ولا فطائر ولا كيس فشار
او حافظه به مطازيز ومن هالاكلات الصينيه<<ايه هين
..مادري الا الولد ناط بوجهي
وبكل عصبيه وازدراء:انتي<<لابعد زود على هالمنافخ
مايقول اسمي
الموهم وش يبون كورتنا طاحت بحوشكم عطونا اياه..وانا واياهم على هالموال
مشكلتي اني رحومه وطاهر قلبي وطيران على الكوره
<<لاوالله خوف من تشويته محترمه
من حضرتهم..ومابقي الا اجيب سريري ودولابي والتلفون والجرس
واحطهن بالحوش عشانهم..
نعم هذه هي معاناتي منذ ان كنت بزرا وحتى نموت
وترعرت واصبحت فتاة وشكله بتطول الى ماأعرس..
الله يعافيكم اللي عنده طريقه للقضاء على هالعيالين يعطيني اياه؟؟