لاواهني اللي شبــــيه ابن غسلان=اقصــد انــا فــواز راع الــمهــاويــش
الله خـــلقــني فارســـن نــســل فرسـان=كــم لـيـلتن قدت السرايا على الجيش
يمشي معي منذر من المشي طفشان=ومن شد خوفه له معاطس وتطريش
وعشوق في وقت الرخى هو ذويبان=وبالخوف يتعب من طويل المطاريش
ومزيون حايل دايمن بس جيعان =وياكل بوسط الحرب فستق ونفيش
دايــم نــشــيل ســلاحنـا بــس عــصيان=ماودنا تكـــثر علينا الــتـبــالـــيش
نخـــاف يمســكنــا مــن الــقـوم فـسقان=وثــيـابنا تــصبــح بضربه مراطيش
الله خــلــقنا بالــمواقــيف شــجعان=ونــكسب من العــدوان تمر وقراقيش
كم لـــيلتن مــن خــوفــنا بــت سهران=تــحت الشجر بالليل مثل الخــفافيش
وجــونا عــلى غــفله من القوم عدوان=والله يجــيرك بــس محط(ن) وتلييش
وفرساننا معهم تقل صوت ونان=وصارت مقافيهم سوات الخراطيش
جعيــرهــم طــاير تــقل حس وغدان=وثيــابهم من حــر سوطه مراطيش
والله فلامــثلي شــجاعــن بالاكوان=اذا هــربت اصــبح شبيه المخاريش
عفــت الشجاعه بــس ياناس تــبلان=واضــرب عدوي في طويل المناقيش
ماصار مثلي بين حـــضر(ن)وبـــدوان=خص(ن) اذا شفت المفاطيح والعيش