السلام عليكم ورحمة الله وبركاته
اليكم هذه القصائد الرائعة في الحكمة للشاعر الكبير
محمد بن مسلم الأحسائي
[poem=font="MS Sans Serif,5,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
هذا زمان اظهر حلالك يعاديك=وتقوم له من عقب هذا تسول
لا قمت تذكر ما مضى من حسانيك=في حال الأول قال الأول تحول
حنا عيال اليوم عطنا ونعطيك=نقد بنقد وخل ما فات الاول
ذا اخر زمانك بتشوف المماليك=قامت ترفع والضواري تحول
وعن الـمعاني اقر ذا البيت يكفيك=ركب الرديف وراعي الكور حول
وأهل الغنا والجود صارو صعاليك=وأهل الفقر والبخل قامت تمول
يا ما تشوف من العجب ما يعنيك =إن متع الله في حياتك وطول
اكـذب وتلقــى لك مع الناس تسليـك =وإصدق وتتــرك لو تكون السِّموّل
فالحُر ما ضاقت عليه المساليك=لولا الضرورة والحرم والمعول
ولا يغرك كل زول يحاكيك=تحسبه صديق وهو قطوٍ يغول
يضحك بوجه لك وبالنصح يوريك=وهو على العـثره يرز المطول
وأحذر صديقك قبل تحذر معاديك=أن كنت عاقل فالليالي تدول
حسِّب لدرب ما مشوا فيه اهاليك=فالمرجله بالقمبزه ما تطول
اقنع بقسم الله وما كان معطيك=وبالماقف اللي يتعبك لاتطول
وترى صديقك من بنفسه يواسيك=ويواصلك في مرزقه والمخول
ويسر وجهه لك وأن سمع كلمة فيك=واذا ضربت قال تنصار الاول
وأصدق صديقك ما حصل في تمانيك=فلا تخيل لك جهام تزول
تحسبه من هو في واهج القيض يسقيك=وهو سراب في هجير تبول
خف الإله وعامل الصدق ينجيك=في ساعة يخزى بها من تقول
كم صادق ينجى بضيق المساليك=وكم كاذب اومأ كراعه وشول
ثم أطلب الله مثل ما قيل في ذيك=يفرجْ لنا في ذا الزمان المهول
أسمع نصيحة واحد ٍ ما يهفيك=واعبر على مركب زمانك ونول
وأحذر على نعمتْك من فعل اياديك=ترى النعم عند المعاصي تزول
وأزكى السلام التام من غير تشكيك=عليك يا تالي الرسل وانت الأول[/poem]
ويقول في ابيات اخرى منها :-
[poem=font="MS Sans Serif,5,orange,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
من الراي سامح صاحبك لاتعاتبه =ليازل وابطا بشئ تراقبـه
خذ ماتيسر منه واستر خماله =اليا عاد نفسك في ملاماه راغبه
فإن كنت في كل المشاحي موادب =رفيقك فما تلقا الذي ماتوادبه
فمن لايسامح صاحبه عند زلـه =خلاه صرف البين من غير صاحبه
وللصاحب الصافي حقوق ولوازم =خمس وهي في سمت الاجواد واجبه
ان زار إكرام واليا صد نشده =واليا زل غفران واليا غاب كاتبه
والخامسه لا جاك في حد عازه =تصفق به الدنيا وشافيه لاغبه
تلقاه بالمجهود وعجل فربما =تحمد مكافاته اليا جتك نايبه
فما البر بين الناس الا ذخيره =كما قال ربك والاحاديث جات به
وما الوجه الاطول فتره وعرضه =اليا ضاع من يعطيك وجه تعاض به
صنه عن ردي الخال والجد والذي =اليا شاف وجه قاصده صر حاجبه[/poem]
اعجبن هالبيت لأنه يجاري به شاعر الفصحى
فإن كنت في كل المشاحي موادب 00 رفيقك فما تلقا الذي ماتوادبه
وشاعر الفصحى يقول
ان كنت في كل الأمور معاتباً 00 صديقك لم تلق الذي لا تعاتبه
اتمنى ان تعجبكم هذه الحكم والنصائح
تحيتي لكم
العرض الشجري
