اشارككم بقصيده كجمال روحكم العذبه ولكنها ليست لي
هي من كلمات الشاعر برجس المطيري اعجبت بها
بعد ماسمعتهاله عبر ديوانه الصوتي
تبين الصدق ماحبيت ولكن ببتدي وياك
،،،،،، ابغرق في بحر عينك ولابي منك تنجيني
ابي لين اصل لقلبك ابي اعشق ابي اهواك
،،،،،، ابي نبض الفؤاد الي احبه في شراييني
ابي لاجاني الهامي خذت مني القلم يمناك
،،،،،،ابانثر بك حروف الحب وجني بك دواويني
ابي اسمع صدى صوتك قبل ماتوصله لشفاك
،،،،،،وابي لانامت عيوني على همسك تخلينـــي
ابي نسكن بروح الحب نتلاقى هنا وهناك
،،،،،، على نبع الوفاء تحيا وانا شوفك يكفيني
ابي من وين ماناظر ياعمري افرح بلقياك
،،،،،، حياتي كلها انتي وحبي وأجمل سنينــي
اخاف ارقى انا لعينك وناظر كيفها دنياك
،،،،،، وشوف الي مضى من عمري القاسي وتبكيني
وجي دمعه على خدك بعدها وين انا بلقاك
،،،،،، اذا جفت اكيد انك مع الايام بتنسيني
ياعمري بعد ماشفتك يقولون الملا وش جاك
،،،،،، علامك صرت متغير ولايدرون وش فينـــي
اشح بضحكتي للناس واذا منهم احدطراك
،،،،،،، انا انسى كل من حولي وتبين بسمتي عيني
الاماهو غرور ان قلت اعرف الزين قبل القاك
،،،،،،، ولكن الغرور ان كنتي ياعمري تحبيني
واذا قلتي تعال اسكن في قلبي صاحبي حياك
،،،،،،، اقول لفرحة العالم تعالي اليوم زفيني
اتمنى ان تعجبكم القصيده
واتمنى ان اجد القبول بين قلوبكم
اختكم
وصا111يف