ياذيب يامحبوس مثلك لنا ذيب .. .. ؟ ؟

*·~-.¸¸,.-~*صبااح الخير *·~-.¸¸,.-~*


يـــاذيب يامحبوس مثلك لنا ذيب ...قصيدة مؤثرة

شاءت الأقدار أن يتم القبض على أحد المجاهدين

من عتيبة بين الحدود الباكستانية ولأفغانية بعد

خيانة الحكومة الباكستانية وتم تسليمه لأمريكا

ورحل إلى معتقل جوانتاناموا في كوبا

، فكتب ابن عمه هذه القصيدة وهي تعبر عن نفسها


القصيده


[poem=font="Simplified Arabic,4,firebrick,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
يا ذيب يا محبوس مثلـك لنـا ذيـب = مطوي عليه القيـد خلـف القضيبـي

سجنة شرف تاجٍ على الراس ما تعيب = نشهـد بهـا والله علينـا حسيـبـي

يا ذيب والقضبـان حولـك مناصيـ ب = ذكرتنـي وخلّيـت قلبـي صويـبـي

في ذيبنا يا ذيـب طبعـك وأساليـب = سطوتـك واقدامـك وفكـرٍ لبيـبـي

ما فيك يا ذيـب الحقيقـه عذاريـب = أنتـه قـوي البـأس فعلـك مهيبـي

حسوتـك للحـرّاب نـاب ومخاليـب = وطيبك لنفسك يوم تكسـب عصيبـي

وحنـا لنـا ذيـبٍ يمينـه مكاسيـب = ولأهلـه وجيرانـه بقسمـه نصيبـي

يعجبـك بالفزعـة يبـش التراحيـب = قلبه عريـن الطيـب لـون الحليبـي

مثل المطر لا هل صافـي المشاريـب = ان حـل بالبيـداء ثراهـا خصيبـي

وان ثارت الهيجا وشيـل المزاهيبـب = أول خطـوط النـار يِصلـى لهيبـي

لبّى نداء البلقان وأوفـى المواجيـب = ورابط علـى القوقـاز ذاك الشعيبـي

يهوى الشهادة فـي علـو المراقيـب = ومن قال أنامسلم يجـي لـه نسيبـي

لعـل تكتـب لـه حسانيـه بالغيـب = من عامل المولى ربـح مـا يخيبـي

ويا ذيب لك بالحبس راعي واصاحيب = وفي ديرة الإسلام مـا أنتـه غريبـي

وغيرك غريـب الدّارعنـد الأجانيـب = مصيـره معلـق بـيـد الصليـبـي

حريتـه مطلـب وفيهـا مصاعيـب = لاو تشتـرى بالمـال رقمـه نجيبـي

يا ذيبنـا أخـذوك غـدر وبالاعيـب = ما أنته أسير الحرب أسير الصحيبـي

لو جوك بالميدان تدمـي المضاريـب = مثلـك وشرواكـم عـذاب الحريبـي

تكالبـوا أهـل النفـاق المذانـيـب = وعلى فتـات المـال خـان القريبـي

يا بعدهم عن درب الإسـلام والطّيـب = مـن يخـذل المسلـم نـذم ونعيبـي

ويا أمـة المليـار نصفـك أكاذيـب = القـدس ناداكـم ومالـه مجيـبـي

وبالرافديـن الـدم سيّـل مـرازيـب= وأفغان والشيشـان وضـعٍ صعيبـي

يطمع بنـا حتـى صغـار الدّباديـب = صكت على القصعـة وتدبـي دبيبـي

عـارٍ بـه التاريـخ دوّن مكاتـيـب = أجيـال يروونـه شبـاب ومشيبـي

يا معتصم ما تسمع الصوت وتجيـب = وينك صلاح الديـن قدسـك سليبـي

ما عاد بـه بالحـي نـار ولواهيـب = تحرق لنا شارون وبـوش الغضيبـي

يا مسلمين أصحوا وهبّـوا مطاليـب = عدوكـم ينهـب حمـاكـم نهيـبـي

مع العدو مـا عـاد ينفـع تطابيـب = لابـد مـن جيـشٍ يسـد المغيبـي

شعـاره الإسـلام يـدّب تـواذيـب = وسلاحـه الإيمـان مالـه غليـبـي[/poem]