احم احم
تذكرتك وانا الطير الجريح مفارق الخــــلان **ونار البعد وفراقك تعل اقصى شراييني
انـا ادريبك سراب ماتطفي لهفة الضميــــان ** تذكرتك عذاب ولو نسيتك منت ناسيني
ابي اعرف بغيابك ليه شوفي يمتلي دخـان **واحس اني لحالي واقرب اصحابي حواليني
حبيبي رحت عني وانت لاراضي ولازعــلان **ياليتك قلتلي قبل الفراق انك مخليني
رحت وغابت الفرحه ورى ليل من الحرمــان ** ورجعت لصوتك اللي كان يملا الكون يدعيني
اثر نار الجفا صلفه دخيلك ياعظيم الشان **انا ماعاد لي شوف على الفرقى يقديني
بعد فرقاك عشت الجرح عمر العاشق الشفقان **على باب العمر لامر لك طاري يبكيني
تعرف انك بقلبي وادري انك لشوفتي ولهان **حبيبي ليه تقتل حبنا مادمت تغليني
تخفي لوعتك عني تصد وتبدي النسيان ** وتفضح نظرتك خافي حنينك لو تراعيني
حبيبي تعبت عيوني السهر من عاشق سهران ** تعبت وطال بعدك والعمر ماعاد يمديني
غرب ضي الأمل قبل الشروق وسادت الأحزان ** دروب العمر تسرق فرحتي والحزن يطويني
انا مثل الغريق وطاري الذكرى كما الطوفان ** تزيد الجرح في قلبي وتبعدني وتدنيني
تعبت ومركبي مل السفر وضاقت به الشطآن **ولالي غير حبك ساحل يمكن يرسيني
حصدت الدمع محصول الفراق ولوعة الهجران ** الامني ذكرتك غرق كفوفي مطر عيني
سحابك يامشاش الملح مايفرح به العطشان **اموت من الظمأوالا شربتك منت مجديني
ينابيعك تفجر من عيوني كنها بركان **توطى عزتي تختال من جفني لكفيني
بعد ماغرق عمري بالحزن ضاقت بي البلدان ** وشفت الموت في كل الدروب وقلت انا ويني
انا مليت... انا مليت العذاب وقلبي المليان ** بهم صاب من هجر الحبايب مقتل سنيني
يأست من الفرح في موسم فيه الأمل كسلان **رفعت الرايه البيضا لحزني وارتمى فيني
وعرفت اني بعد فوت الفوت العاشق الخسران **ودريت ان اصدق وعود الهوا ماعاد ترويني
رجعت بحسرتي كلي جروح مكسر الجنحان ** وسال الجرح دم وشفت وجهك شراييني
HaKoNa MaTaTa