| | ليه تشعر بـ انك بالغياب انتصرت !! | |

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

لو ضاقت من الطيوف الناعمة ارضي
عرفت هـ العشق وش كثر مجانينه

ان قلت غيبتك كانت من حسن حظي
تراني اشوف شيٍ ما تشوفينه

بنقش قصيدي على سلسالك الفضي
عشان مع كل لمحة شوق تقرينه

لا جيت اراضيك يا بنت الزعل ارضي !!
ولا تقولين شيٍ ما تطولينه

شلون تقفين عني والزمن يمضي
وشاعرك قلبك يعيش بـ راحة ايدينه

رضيت قلبك حكم من بيننا يقضي
يظلمك عادي وينصر من تحبينه

صار موعد حضورك بالعيون احتضار
راحت سنين عمري من كثر ما انتظرت

يا ربيعي تناديك الضلوع القفار
ليه مثل الفصول الباقيه ما حضرت

كل الايام فرقا مثل شمس النهار
من كثر ما خسرتك ما اعرف وش خسرت

ماتت احلام عمري مثل موت الصغار
واعترف لك بعدها يا الحبيب انكسرت

شرهة الحب نظرة من عيون الكبار
اه ليتك عرفت بوقتها وش شعرت

ليه تختار بعدي عندك الف اختيار ؟؟
ليه تشعر بـ انك بالغياب انتصرت !!

رحت مخطي على فرقا تحث المسار
كان عذرك حبيبي والله اني انجبرت

ما بقا غير دمعه واعلن الانكسار
احمدالله على نزف المدامع كبرت

في مواجه غيابك اتخذت القرار
اني انساك لاكني نسيت وذكرت

قدرتك في غيابي فاقت الاقتدار
واعترف في مواجه غيبتك ما قدرت

كنت طالب رجوعك ما طلبت اعتذار
كان مشغلك عذرك بــ اعتبرك اعتذرت





مسآئكم شعر
نص غرقت بين سطوره .. للجميل / حمد آلعيبآني

آتمنى يرتقي لذآئقتكم

[/ALIGN][/CELL][/TABLE1][/ALIGN]