كيبورديه لأبو خالد ولا يهون الحاظرين ...
شهم ٍ رقا بالمنتدى وشيد صروح=محمد أديـهـم بـالـقـصايـد فـخرها
قدحت لك عودين من مصدر البوح=بأرض ٍ خضار ولك نوادر زهرها
والريح معها ريحها فايحه فوح=يجذب شذاها كل من هو عبرها
آنشهد أنه مرتكي بعالي الدوح=نار ٍ على رجم الطويله وظهرها
ضاري على الطولات قرم ٍوطحطوح=من ساس لابه طيبها ما عسرها
ناس ٍغلاهم ساكن القلب والروح=من طيب أبو خالد ضميري ندرها
خذني عظيدك دونك الدم مسفوح=قرم ٍ على الشده يفكك صررها
دعيت لك من سير الفلك في نوح=تقضي سعدها ولا يمرك قشرها
واسمح لنا لو قصر الهرج مسموح=مدام اسمك جا بها هو فخرها
وسلامة نواظركم