بسم الله الرحمن الرحيم
السلام عليكم ورحمة الله وبركاته
مسآء الخ ـير / صبآآح المسرآت ..
انا قريت أبيات كتبها أخوي الشاعر / عقاب النهار ..
بالإهداءات وكنت احسب إنه هو اللي كتبها
لين إختي الشاعره / على النيه ..
وأخوي الشاعر / قيس الحسيني ..
علمووني إنها لشاعر آخر فأعتذر عن الخلل السابق ..
[poem=font="arial narrow,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعين أنا أشوف الصبر أخيـر مـن منّـة بخيـل =والرزق بيدين الولـي والنـاس ماهـي ناصحـه
أشوف انا بعض العرب ماترغب العلم الجميل= ولاجيتهـا فـي نفعـة مـارحـت نفـسـك سامـحـه
ربع معك وقت الرخا وان مال بك وقتـك تميـل= والا عـلـوم المرجـلـة مـاهـيـب فـيـهـا فـالـحـه
مادام حظي منعثـر وش لـي بصنـع المستحيـل =خلـه كفـاه اللـي مـضـاه الـيـوم وايّــا البـارحـه
ليت الردي من خلقته يكتـب علـى وجهـه دليـل = والا يـعـلــق فــــي جـبـيـنـة لــــلاوادم لايــحــه
أنــا زرعــت الحنظـلـة وأسقيتـهـا بالسلسبـيـل = لكن جنيت الشوك من روس الغصون المالحه
مايـلّـدغ مــرة ومــرة كــود مــن عقـلـة هبـيـل = ومــن لاحـسـب للمقبـلـة مايحتـسـب للرايـحـه
دنيا تشوف بها الفهد يخشى من البـسّ الذليـل = والذيـب عـداه العشـا صـوت الـكـلاب النابـحـه
[/poem]
صح الله لساااان الشاعر
وانا جاريته واقول ...
[poem=font="arial narrow,5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا مرحبا باللي لفتني من مراسيله مسيل = هتان وبله بين ريضان المرابع سايحه
اقلط على تمرت محبّه مع بخور وريح هيل = واسمع كلام ٍ ينغلي بين الحنايا فايحه
وش لو تنكّر صاحبي من بعد جردان الطويل = ما فيه مرّ ٍ ذقت مثله والمعابر فاضحه
كنت أرتجي والعين مرماها بروق ٍ تستخيل = بات الحلم مكسور جنحانه بأماني جارحه
ما عاد بالوقت المسمّى لا صديق ولا عميل = كلّن يدوس اخوان دمّه بالفلوس الطامحه
لا بارك الله بالورق كانك تبيها يالهزيل = ولا بارك الله بالشنب كان الفعايل رازحه
أركيت كوعي فوق مركى دون خلق الله نزيل = يا وقت كافي ما جرالي من دموع ٍ جامحه
ما عاد به ذيب ٍ وانا مدعاي وينك يا الخليل = واليدّ كانك ما قويته بالمعافر صافحه
[/poem]
وسلامتكم أخوكم / طلال الشمري
تعليقاتكم ونقدكم شرف لي ..