ياقيس ضعنا بين صوتٍ وصوره=وابهرني اللي شفت ياقيس فالحال
والخد مثل النور والاسم نوره=وجاني الهجاد وزاد مايشغل البال
والقلب شاغلني وسجل حضوره =بأسمٍٍ صريح وصارت اهمومي ثقال
وركب مع السواق وابدا سروره=واشر بكفه في موادع وغربال
واحتار فكري والغلا في مروره=وراعي الهوا لاصادف الزين تمثال
وصفه عديم ومفتري في غروره =وانا اعتميت ورحت ياقيس في هبال
وصحيح راعي الود تجمح شعوره=ولا كل ماشفنا يجي عالي العال
والسالفه ياقيس ماهي بصوره =علي الطبيعه واشغال البال والحال