واذا مرّت بك الأشواق / مروني

أما آن للقلب أن ينبِض ؟






خُلقنا اثنين
تزفرنا الأماني لين
يِمِلّ مْن الأمَل : صدرين

.............
كِبَرنا .. ماعرَفنا ليش
نِحِب : الفَـرفَـرَهـ والطيــش
وإذا نادوا أهالينا
تخبّينا بْـ كومة خيـــش
وحبيـتـــك
عن الأنظــار / خبيتــك
بِـ ضلعٍ مايبي غيرك
وإذا صَوّتّ لبّيتـــك
خُلقنا اثنيــن
أنا ويـن / وإنتـهـ ويـن
وسبحان الذي جمّـع
مشاعرنا على : كفّيـن

...........................





عرفتك .. والسما ظلما / تحدّاني
......., وَلَجتك .. واختلف شكلي ومضموني

أنا من ويــن مـانــاظرتك : ألقاني
......., كذا كــنّـك مـرايـهـ ظـلّهـا : كـــوني

تسولف لي عن السجان والجاني
......., واتمتم لك : عيونك فيك / زجّوني

تناديني .. ويِرجَع لي صدى ثــاني
......., كــأنّ الغـيــم والأشجـــار : نادوني

تبي قلبي / وانا أبغـاك [ تهواني ]
......., توصّيني : ضــلـوعــك لايِـمِـلّـوني

أبرقى لك مثل مالسُحْب / ترقاني
......., مثل دعوات مِـن للأرض جابوني

أنا أنـثـى أجــي كـلّـي بْـ أركاني
......., ولا آبهـ إذا الأحـيــــاء : لاموني

يـنـام الصبح داخل علبة ألواني
......., يـلـوّنــي إلى من تــــاهـ بي لوني

أضيّعني وفي ذاكرتك .. أنســاني
......., واذا مرّت بك الأشواق / مُرّوني

يَ أغلى من : أبوي , أمي , وأخواني
......., معاك [ بْـ خير ] لاتسألني : وشلوني

أحبك مو على شانك / على شاني
......., أنا بْدونك .. كأنّي صرت من دوني


..................




لسمو ذائقتكم يا أحبه
،،،،،،