بدر بن عواد الحويفي
شاعرٌ من كبار شعراء النبط بالمملكة العربية السعودية
له لمسات واضحة وتأثيرقوي على مسارالشعر النبطي
في المملكة والخليج العربي واضحا بمساجلات شعرية
له مع شعراء داخل المملكة والخليح انقل لكم هذه
القصيدة له
يـامـل قـلـب دق بــه كـــل طـــاري=طــواريٍ باقـصـى الضمـايـر تـتـلـه
يشفق على شوف الفضا والبراري=لا صــار مـعـه مشـبـبٍ مسـنـد لــه
خطو أبلـج لملاقـف الصيـد ضـاري=جـدع الضريبـة بالسهـم عــادةٍ لــه
قـــرم بـوجـهـه لـلـمـروه شـــواري=رايـــه سـديــد وكــــل درب يــدلــه
مـاهـو حضيـبـيٍ مـزاجـه تـجــاري=لـيـا عـقــدت الـــراي عـــود يـفـلـه
أول نهـارك يعجبـك مـا أنــت داري=مــار الـبـلا تـالــي نـهــارك تـمـلـه
أبـا امـدح الطـيـب ولانــي مــداري=والـلاش لا خايـف ولا حاسـب لــه
الفـرق بالـلـي ياصـلـون المـحـاري=وإلا الـردي شـرهـات مثـلـي تـزلـه
أبــي خـــويٍ ضـــاريٍ بالـمـسـاري=مـاهـو مهـيـنٍ يـرقــد الـلـيـل كـلــه
ومعـنـا قطـامـيٍ يصـيـد الـحـبـاري=لـحّـاق لا كـوبـر لــه الـخـرب شـلـه
خطو اشقر جثل من الريش عـاري=افـجح مخالـيـبـه ســـوات الاهـلــة
بـه دق ريــش مـثـل دق الـخـزاري=مــهـــدف ورا مـنـاكـبــة مستـقــلــة
منـخـر وبــوز فـيـه عــدة مـــواري=يحتـار بـه راع النظـر لا فطـن لــه
مـهـوب كـفــاخ طـفــوق زعـــاري=طلعه حقاق ان شافهن ساوقـن لـه
لا شـافـهـن مـتـطـاولات الـمــذاري=عـقـد وحــق الطـلـع والسـيـر تـلـة
يحـول اللـي طـار منـهـن اجـبـاري=ذبـاح لـلـي يــوم هــد سـجـدن لــه
يازين طلعـه بالضحـى والعصـاري=لامـن خشنـات الغـلـب خيـشـن لــه
هـذيــك والله مـنـوتـي واخـتـيــاري=لو كل مـن يطلـب لـزوم حصـل لـه
العضو الأكثر نشاطاً هذا اليوم 
العرض الشجري
