السلام عليكم ورحمة الله وبركاته
جايب لكم موضوع اليوم ودي نناقشه بكل هدواء وعقلانيه كما تعودنا في هذا المنتدى الرائع
ام خرميط : ياوليدي ليش ماتفرح قلبي وتزوج وتجيلك عيال انت ولدنا الوحيد ونبي نفرح فيك وبعيالك ؟
خرميط : الي تشوفينه يمه انتم شوفولي بنت الحلال وانا ماعندي مانع
ام خرميط : صدق ياوليدي الله يفرح قلبك مثل مافرحت قلبي اجل نبي نشوفلك بنت الحلال الي تعجبك
خرميط : انتبهي يمه لا تجيبون لي وحده حولا ولا عرجا ابي بنت جمال وكمال ودين
ام خرميط : ابشر ياوليدي مايصير خاطرك الا طيب
تزوج خرميط ولقى البنت الي كان يحلم فيها جمال وكمال بس ؟؟؟
لقاها تبكي افا ليلة عرسها وتبكي يمكن خايفه مني خلني اقرب منها واسالها وشفيكي يادغديشه اسمها دغديشه يزيد بكاها وش السالفه .
يترجاها خرميط مره مرتين واخر شي انكشف امامه الستار
دغديشه : انت ابن حلال ورجال وشهم بس يرضيك تعيش مع وحده تحب غيرك
خرميط : افا يذا العلم وانا اخو ديانا وش تقولين انتي صاحيه ولا مجنونه
دغديشه : والله صاحيه يابن الناس اهلي غصبوني عليك والله العظيم غصبوني عليك وانا احب انسان ثاني وهو يحبني من 6 سنين لكن اهلي رفضو الزواج منه لانه من القبيله الفلانيه وحنا ما نزوج هالقبيله تكفى تستر علي وخلنا نطلع بالمعروف بجلس معاك كم اسبوع علشان الناس وراح اعيش معك زي اختك وبعدها كل يشوف نصيبه انت شهم ورجال وابن ناس مايرضيك هالشي
خرميط : ياناس وش اسوي ياعضاء بعد حيي يابعدحيي انتم وش الحل اطلقها وتروح للي تبيه او اتوطا ببطنها وش اسوي ياناس تكفون علموني
خرميط يبيكم تساعدونه وش السواه يطلق او فيه حل اخر اتمنى ارى ردودكم
تحياتي للجميع