قصيدة ..... سيف عنتر ..

ايها الاخوة في منتدى بعد حيي

تحية طيبة صادقة من قلبٍ محبٍ صادق

اهديكم محبتي اولاً ثم هذه القصيدة ثانياً

قصيدة ( سيف عنتر )
اتمنى ان تنال اعجابكم بها





العيون الخرس عندي شفته أبلغ شخص جاني
هدّت حصون المناعه يوم بالرمش إسرتني
الجفون اللي هدبها صفّت بوجه الزماني
شيّلتني من همومه يوم بآماله لفتني
صاح صبح الليل فيها من ظلامٍ فيه عاني
هبّت شجونه تجاهي وأثرها حيل عشقتني
صارحتني في خفايا النفس وش تحمل معاني
آه وش كبر السعادة بعد ما هي صارحتني
قلت يا ذا الرمش ليتك ترفق بجرحٍ حواني
شف سوايا هموم صدري من قساها شيّبتني
شف مجاهيمي خذتها هالمغاتير السماني
شف ذلولي دهمت عن موطن العدّ وعصتني
كل ما أورد من ضوامي خاطري عيّا حصاني
جاني يتوسل ذليل وحبّ رأسي حبّ متني
اسري بليلك وأعدّه من قسا غيره لياني
وهو قساته يوم شافتها مجاديفي نختني
وين عنتر يوم دوره ما حسبت إنه جباني
أبشري يالصرخة اللي من حرارتها كوتني
جيت حامل سيف عنتر يوم محبوبي نخاني
جيت حامل عود ندّ ..وشفت سيّاتي نستني
إنثنيت بظل رمشه لين بأهدابه خذاني
رحت أببحر في شجونه..في شجونه عذبتني
أتهجّى حروف إسمي وأنظر بعينه وأراني
يوم في يدها الحنونه من حنانه هوّدتني
قولي وش قد الغلا تكفين وين القى مكاني
قالت بقلبي وأحطك في عيونٍ سهّرتني