اذا كنت بقعاوي زعول بوقت الميل=بقى الطبع حتماوي بدارٍ نداها ساح
عقب بدري الضاوي تركنا مسير الليل=وطاح الحشى ثاوي عقب نوره اللي راح
هقيت الحشى قاوي وينطح هدير السيل=ولا يرهب الراوي خطر رمشها الذباح
وصار الهوى كاوي ويجدع قوي الحيل=والاريام ماتاوي على الخافق اللي طاح
وبعض العرب غاوي يسولف بقال وقيل=ولا ترحم الهاوي مع انه يصيح صياح
طوى قلبي الطاوي بسكة بنات الجيل=وعطر المها الجاوي يشيل الحشى لافاح
لما صـدر الشاوي وذعذع براد سهيل=وبيت العرب خاوي وغابت بدون ايضاح
عوى دونه العاوي بصوت يجيب الويل=شكى جسمه الذاوي بقيظ سرابه لاح
صدى صوته الداوي يغطي صهيل الخيل=على اللي ماهو ناوي لقلب العنى ينساح
واذا هرج بشراوي مع النقد والتحليل =على كل غزاوي يجينا بدون املاح
ترى العزم برقاوي وينقل ثقيل الشيل=والاخلاق بـقـعـاوي على الضيم مايرتاح
العضو الأكثر نشاطاً هذا اليوم 
العرض الشجري
