حمست لحروف الشعر حي فنجال

حمست لحروف الشعر حي فنجال=
وزليت هيله من هواجيس صدره
وجني بنات الفكر كلن ابمدهال=
وخذيت من بسر المعاليق تمره
وحييت من خافي ضميري بالجلال=
وتبقى على صدر المراكيب جمره
ولا فاح همي جبت لي كم موال=
وزجيت في بيض الاساطير حبره
من خافقً بصدر جاله تولوال=
يمسك على حلق القوافي بعبره
ولاضاق صدري بالقصائد والامثال=
دفنت مفتول المعاني بقبره
خوف الخفا يظهر على خبل الاقوال=
ويقد مكنون الخوافي وصبره
يازحمة الركاب جنا غثا البال=
وشهو قطار الموت لا اعطاك عمره
منحوت قبره للغلا شوق تمثال=
ولا حال حايل بين ليلى وسمره
قام ايتمايل كل غصنً على حال=
ميلت قهر باشواك روحه وثبره
كنّه على سلك المعاليق شلال=
يطوي على حيف المعاليق مكره
وشربت كاس الشعر ياحي غربال=
وطينت راسي من قوافيه سكره
ياغيهب الاحلام في متر الامال=
يركض حفا رجلي على طي شبره
وانحلّت ابمتر البعد عددت اميال=
ماضي حفا شوقي على عهد بكره
وفوحت لحروف الشعر عددت ادلال=
وشبيت نار البوح وفاحن بصدره

قيس