المقناص,,,,

السلام عليكم ورحمة الله وبركاته ,,,,القصيده هذه لها مايقارب العشر سنوات

وحقيقه اجبرت على تنزيلها احترام لرغبة بعض الاخوان في نسخها وكانت حصريه لمحل المقناص بحائل,,,,

مع ملاحظة وجود بعض الهفوات فيها من ناحية اللحن

تقبلوهاكماهي,,,

أرم بحفاظ وزيدخصه بتقرير=جرْالزنادبهون وحذراتهزّه
غمض بعين وعين ركزبتبحير=وأسحب نفس قبل الرمايه بحزّه
وحط الضريبه بين حبه وتوثير=وان أبعدت دفْ الوثرثم كزّه
وللقناصه فن وله درب عسير=وللصيدرهبة وأرتباشٍ ونزٍه
للطرايد صوت ساعات الهجير=لاسمعته جيت وجل وقمت فزّه
من بغى المقناص يبداءبتبكير=ياشع بصبح ولطلعة الصيدحزّه
ثم ارق اطول راس ودربل بتسبير=وردالنضرفي كل وادي وقزّه
والياانحدروآدي تسند للوعير=تراه مزبان القحـوم وملزه
واحذرتجي للصيدوللريح تصفير=خالف مساره وأنطحه ثم توزّه
ترالوعل يجفل بفطنه وتقدير=يصدق بالحذرأنفه طبيعه يجفل بحرزه
قص الاثرميزمجره بتبصير=حذراك تشفي أزبن الجال لزّه
وللصيددرب وله مقاطع معابير=ولابدمايقطع من الجول فرزه
ابوحنيه قيس عمره يتشبير=كل شبرعام وزودقرنه يرزّه
حطه بمنطح قرره بكل تنضير=وخلّه بمذبح دون حلقه وجزّه
اخترطويل القرن لجاك تحذير=ركزبرميه ولم للتيس عنزّه
والياجفل حطّه بمقدمه توسير=القايده ركزبهابرميه وخرزّه
واحذرمن المرضع عقاب ومقادير=صيده نقص ماقيل صيده معزّه
وعبْ العليقه من زهابات الذخير=خذحاجتك وليانقص شي عزّه
انقل معاك الماء ولوجنبك غدير=أحرص على شيله ونقله وكنزّه
ولوقل شربك ترْطيوره لك تشير=تدلك في وروده ضاميه بالحيل ملتزّه
والوبرياصرك بالصدع كنّه الطير=يصرك حذروالبيت لجفه ومرزّه
ولأبو وشام أركزعلامه بتنكير=وخله بعينه وسط لجفه يخزّه
ابن الستاروزودالبني تحجير=بالك يشوفك وأبدع أبْني طرزه

/


اللـــجـــــاوي