انتي ملاك وطينتك ماهي بطين=من نور مخلوقة يحضرة مدامك
يالملهمة ياشيخة الحسن والزين =سلطانة العرش الجمالي بوسامك
في وصفك الفاتن تضيع العناوين=وحتى الغزل نوره يتيه بظلامك
حبك سرى يابنت وسط الشرايين=وبين الضلوع العوج ثابت غرامك
في مشيتك عزة وهيبة سلاطين=وشموخك البارز بمنطق كلامك
ايه اعشقك واغليك بالقلب تبقين=حتى لو بصدري تناثر سهامك
واغليك لو انك بعيدة عن العين=مصيون حبك والغلا واحترامك
يجذبني اليك العطف واللطف واللين=والشوق واحساسي وحتى سلامك
بالمختصر قلبي غدى بين نارين=نار الغـرام ونار شـوقـي لهـيامك
وكتبت لجلك مقصدي اوصفك لين=عـجـزت عـن وصفٍ يليق بمقامك
فهد صالح الشمري