ياقلب ماتترك كثيـر الطواريق
أترك همومك وأنس كل البداوه
خلك صبور وتنفرج لك بعد ضيق
وأحذر تحاكي كل راعي شفاوه
بعض المواقف وقتها ينشف الريق
لاكن نمضـيها بصبر ورهاوه
أضحك وانا همــي لزا بالمعاليق
وأقول للعذال مابي شقــاوه
وأشوف في بعض المواضيع تعليق
في مثل سلك العنكبوت بطراوه
وأحذر ياقلبي من عفون المخاليق
أترك ضعيف النفس والذيب خاوه
لابد مايسعـالك الله بتوفيق
وتذوق عقب المـر طعم الحلاوه
وإلا الزمن هذا زمان المطافيق
بين الأخو وأخوه مافي صفاوه
وأدري ببعض الناس هرجه تلافيق
لاكـــن نعديـــها تورد لــجاوه
* بقلميــــ
حميد حمد الشمري؛