ارجو من الاخ حاتم حائل تفسير حلمي..

السلام عليكم ورحمة الله وبركاته

رأت بنت أخي من الأب جدتها اللي هي زوجة جدها رؤيتين بشهر رمضان

الحلم الأول بنص رمضان

( رأيتهالابسه فستان اسود طويل فيه ورود اغلبها ابيض وشعرها لونه اصفر وثلجي وكان مصفف وجميل وصحتها طيبه وبشرتها فاتحه فقلت لهانفسي اضمك وضميتها وشميت ريحتها قالت لي انا مبسوطه بس يدي تعورني واشرت على يدها اليسار تحت الكتف فقلت لها بناتك ماقصرو تصدقو لك ويدعون لك قالت ايوه عارفه بس يدي تعورني وكل ما اقول شي تقول ايوه بس يدي تعورني وتأشر على يدها اليسار وكان عمي المتوفى قبل جدتي بثلاث سنوات جالس جنبها وكأنه زعلان وما تكلم )وانتهى الحلم


الحلم الثاني بآآخر رمضان

(حلمت بنفس جدتي انها تكلمني بالجوال على تلفون البيت وصوتها مو واضح وبعدين شفت نفسي مع جدتي ببيتهم القديم كانو ساكنين فيه قبل اربعين سنه تقريبا بالحوش وكان فيه خزان مفتوح ومعانا ابويه اللي هو ولد زوج جدتي هذي واثنين من عماني اولاد جدتي وكانت تطلب مني سلم طويل مثل السلالم الي بتنسحب وتطول وقلت لها تبغين تغسلين الخزان وشفت ابويه يمشي على حافة الخزان وكنت خايفه عليه وهو يضحك لين تعدى وهوه يبتسم اثناء مانا اردد عليها اش تبغين بالسلم وهيه ماترد وقالت كلام مو مفهوم وقفلت الخط ) وانتهى الحلم..