ناديتك بصوت العطش

\
.
.


احبك كثر خطوات الثواني
كثر ما تبكي في الصمت المعاني
كثر ما تشهق امواج المواني
اجي مثل الربيع غرقان بألواني
اجي وياك ورده تخاف بستاني
طفله شايله احزاني
اجي وياك اتبع سر ناداني
اتبع صمت ناداني
و احاول و انت ما تدري
احاول انا و لساني
احاول و اخسر رهاني
احاول و انا في ضعفي
احاول انهي بركاني ..






عطشان .. اسمع يا نهر
عمر الصحاري والجفاف
عمري انا ما مر على عمري مطر
عطشان لدموع الشتا
مشتاق للون الخضر .. عطشان اسمع يا نهر
صبري عزف .. صبري نزف
انا النخيل .. وانا ارتجافات السعف
ناديتك بصوت العطش
شلال صوتي ياللي ما تسمع نشف
شوقي لوّح لك وقف .. ترابي لوّح لك وقف
والصمت في صرخه اعترف
من اين ارتوي؟؟
والدنيا صحرا وبس
النار تحتي .. وفوقي عين الشمس
الشتا .. في الصيف اختفى
والغيم .. ما عنده وفى
وانا العطش بيتي
ونسيمي عاصفه
عطشان .. لدموع الشتا
مشتاق .. للون الخضر
عطشان
اسمع .. يا نهر ..




\\
الناس في لحظة تخون
طيب وصدقت الحكي
غلطان غرتني العيون
ماادري انه الناس
في لحظة تحب
والناس في لحظة تخون
الناس آه ياالناس
حتى بالمحبة يكذبون
كنت اتصور حبي في عيونك كبير
همزة وصل
تبدأ ولا تعرف اخير
كنت اتصور كل شيء ممكن يصير
نشوف الكثير
نعاني الكثير
نفرح كثير
نروح .. نتفارق .. ايصير اللي يصير
الا الخيانة ماهقيت انها تصير
اجرح مشاعر حبتك
اكذب علي
اكذب وصدق كذبتك
الطيب انا عادتي
والظلم يمكن عادتك
مسامحك .. تقدر تروح
مسامحك .. ياللي تركت الذكرى في
نفسي جروح
ماادري انه الناس
في لحظة تحب
والناس في لحظة تخون
الناس آه ياالناس
حتى بالمحبة يكذبون ..
\\

كانت اللحظه تعب
كانت الهمسة غضب
وكان احساسي مشاغب
تعبت من نزف الكلام
كيف حالك والسلام
وكل نتايجها مصاعب
من وين اعدلها تميل
لاصحوة لاغفوة بليل
ضمير صاحي للمتاعب
حكمة إلهيه نتألم
يجوز في يوم نتعلم
ومن الالم تبقى تجارب ..











لـ سمو ذائقتكم احبتي
\
\

،،