تذكرتـك .. وأبـي النسيـان ألايــا خــل ساعـدنـي
أنا مالي ورى الذكـرى .. إلـى مـات الأمـل خيـره
أنــا ودي عـلـى الفـرقـا حبيـبـي لـــو تعـاهـدنـي
وإلى شفتك .. تصـد ولاتجيـب لمـا مضـى سيـره
تخيّـر غيـر هـذي الأرض .. مكـانٍ بـه تواعدنـي
تخيّـر لـك مكـانٍ صعـب .. أعـرف فيـوم تقـديـره
عسى الجرح الـذي يدنيـك أشوفـه عنـك يبعدنـي
أنا اللي أكرهك .. وأحبك .. شعورٍ صعب تفسيره
حسيبـك .. يالهـوى الظالـم .. حسيبـك لاتعاندنـي
بيلقى صاحبي غيري وأباالقى فـي العـرب غيـره
الشاعر الأمير / بدري بن عبدالمحسن..