مشاركه في مزاين شمر

ياخالد اصعد سماء ياتاج راس المديح=ياللي كسبت المدايح عند كل الانام

ارخصت مالك لشمر والكلام الصحيح=يبقا على صفحت التاريخ مثل الوسام

تعيش والله ياخو جوزاء فداك الشحيح=ارفع لواء الفوز واصعد يم حد الغمام

شمر معك شالو العرضه بشعرن مليح=وانته دوى كل خشمن زاد فيه العرام

شمر نهار الملاقى يتعبون النطيح=شفهم معك صخرو شرد المواهب شمام

اهل الحميٌه منافسهم لزومن يطيح=عاداتهم يلطمون الخصم وقت الزحام

شمر وساع الطعون وملحقين الجريح=خويهم يلحقونه من مطيح الخصام

والجار معهم على طول الزمن مستريح=معهم مقامه كبير وفي مقام الحشام

وشمر تحت راية التوحيد دربه صريح=خدّام للراية الخضرى وحد الحسام

اخوان نوره ذرى اللاجي علاج الجريح=وامطوعين الاعادي في سموم السهام

خدام بيت الله هلاالفعل شي صريح=من يوم عهد المؤسس سيرهم للأمام

اللي جمع شملناء من عقب ذبخ وذبيح=سرنا تحت رايته دايم ببرد وسلام

(((مشعل عسام الغافل التريباني)))في 1445/6/4هــ