[poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
حسيت بأن الخيانه شي يشقيني=وتعبت من كثر احاسيسي وهقواتي
وسمعت صوت(ن)يناديني ويدعيني=ويقول خل الزمان يمر بسكاتي
عنيد وعنادي بمجرى شراييني=وتصميمي يموت مادام الامل ماتي
وشقيت ثوب(ن)من الشلتا يدفيني=والثوب هذا قناعاتي وعاداتي
وعرفت بأن الزمن هذا بوجهيني=يكفي بأنه زمان العشق بالشاتي
وشفت المبادي تصيح تقول تحميني=وقلت اعذريني عجزت احمي سوى ذاتي
بالصبح له عشقت(ن)والليل ثنتيني=ويقول ياناس يامكْثر محباتي
وهكذا كل يوم(ن)له محبيني=القلب فندق واحاسيسه عديماتي
لاوالمصيبه فخرّه بفعله الشيني=له سامعينه على بعض القناواتي
تحطيم مبدا الوفاء والصدق يغريني=اهجر مساحاتهم واسكن مساحاتي
امشي بدربي وحيد اصفق بيدّيني=مجبور في وحدتي لجل القناعاتي
ويقول مبداي تكفى لاتخليني=قلت اتركك او اسافربك بنياتي
واقول يمكن آله الكون ينجيني=واسلم من الذل في عصر الاشاعاتي
واهيم في واد التفكير من حيني=واعيش عيشة حزن واهل عبراتي
واقول جوزي من العبرات ياعيني=شي(ن)تعدى محال يعّود وياتي
وترد عيني تقول ابكى على سنيني=اللي قضيته وانا بأرض المتاهاتي
قناعتي منهجي دستوري وديني=ابرز هدف لي انا وابرز طموحاتي
لكن شقى الناس في جمع الملاييني=والمال اصبح لبعض الناس غاياتي
قلوبنا ميّته والناس لاهيني=ضعنا ببحر(ن)عميق(ن)مظلم(ن)عاتي
[/poem]
[/poem]