بسم الله الرحمن الرحيم
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وسط روض القلب وفلوقه=ارتفـع مبنـاك وابراجـه
واختلـط ورده وزملوقـه=في رفوف القلب وادراجـه
منزلـن ماجـاه مخلوقـه=وغير عينك فيـه ماداجـه
ولامشى الدلال في سوقـه=واحتملت الناس واحراجه
المحبـه فيـه مطبـوقـه=هايجن ماتركـد امواجـه
ياهنوفـن زان منطـوقـه=وفوق زين الهرج مغناجه
عقبـك البيبـان مغلوقـه=وزدت فوق القفل مزلاجـه
شف خفوقي ذاب من شوقه=ياعذاب القلـب وعلاجـه
بسمته من غبت مسروقـه=وجاهلن دربـه ومنهاجـه
ودمعة المحتـار مدفوقـه=ينتظـر مـولاه وافراجـه
وبان جرح الروح وفتوقه=من غديت امشي بلا حاجه
لايجيني من يـدك بوقـه=ياغرام الـروح وسهاجـه
من يشوفه ذاب في ذوقـه=وقام ينشد وين مخراجـه
من وصل جمرك لمعلوقـه=تنطفـي دنيـاه وسراجـه [/poem]