[poem=font="Simplified Arabic,5,white,bold,normal" bkcolor="darkblue" bkimage="" border="double,9,black" type=2 line=0 align=center use=ex num="0,black"]
ليت منهو عاقبـن خـط سامـوده=مهرفن محني كما الذيب لاجاعـي
فوق جـيـبـن دافـعـن كـل منقـوده=اشهـبن من جمركه وقم الارباعـي
زايدن سعره بالاسواق من جـوده=وبالفعايـل نايفـن كـل الانواعـي
ان دعس له طلقتـن ثـار بـاروده=وان نخـيـته فاع مع كل مطلاعـي
قيمته من وافي الجـود موجـوده=ويشـهـد الله ماشـريـته بلا داعـي
ماترك درب الوعر خايفن كـوده=عارفن طرق الفـيافـي والاسناعـي
والرفاقه ضايح البـرق ورعـوده=بارقـن يوضي ظلامـه بالاشعاعـي
سيلها يرمي من الظلـع جلمـوده=عن طريقـه يشلعه عشرة ابواعـي
في ليالن ترهب القلب مـن سـوده=مـوتـري يـقـطـع بنـا كـل مرباعـي
ومع طلوع الشمس والبدو مع ذوده=زان كيف اللي شكى شين الاطباعي
راح عن صدري غثى البال ولهوده=حين فاح العشب مع كـل ذعذاعـي
وانتـعش جسمن غـدى ذابـلن عـوده=يوم بانـت دار منـقوش الاصباعـي
عنـدلـن كـن القـمـر ضـاح بـخـدوده=حبها لاقـصـى المعاليـق شلاعـي
والجـدايل فـوق الامتـان مرجـوده=طيفها يودع خـفى الروح ملتاعـي
اجتمع فيها شـذى العـطـر ووروده=والحـلا مايـستـره ثــوب وقناعـي
قطـعـتـيـنـن تجمـع الـردف ونهــوده=كـم نصحت القـلب عنها ولا طاعـي
ان بغـيـتـه كـل الاسنـاع مسـدوده=وانت تركت عيونها خافقي ضاعي
عـفت مـن حـبه هنى الليل ورقـوده=ترقد عيون الخوالي وانـا واعـي
ماحسبت لنـقـص الاموال مـع زوده=ولـو تـوسـدت الحصى الشين وذراعي
ولاشكـيـنا هـجـر الاقـراب وصـدوده=مع عيونن زانها الكحل ووساعـي
خـطـوتي صارت مع الزيـن مرصوده=ليـن ذقـت بـدربهـا كـل الاوجاعـي
ويـل قـلبـن ضايـعـن كـل مجـهـــوده=العرب تطرد هواها وانـا اراعـي
صارت ايامي بالاصبـاع معـدوده=ضايعن عمري وراء شقح الاقطاعي [/poem]
العرض العادي
