فقيرن لربي واشحذه كلماصليت
واساله يفرج كربتي رب الاربابي
الهي ومزباني الياضقت له فريت
وانا واثق انه من لجا فيه ماخابي
الاياعزيز الجاه محي الهشيم الميت
مغيث الفقير اللي من الوقت منصابي
نصيتك وقدستك وامنت بك واويت
يامن خلقت الخلق من مي الاصلابي
يارب انا عبدك وفي رحمتك هميت
وانت الطبيب اليا قصرطب الاطبابي
الهي لغير شفاك و الله فلا لديت
ياعا لمن في كل مكنون الالبابي
بألاك واسماك العظيمات لك ناديت
عساني قريبن منك يارب ومجابي
اناجيك ياللي تخرج الحي منله ميت
وانا واثق انت اعلم واحكم وادرابي
كريمٍ رؤفن في عباده رفيع الصيت
حليمٍ ريحمن شافين كل منصابي
معزن مذلن كافين فاعلن ماشيت
جليلٍ تفرّد في صفاته والاعجابي
مشعل التريباني في 10/3/1441هجري
العرض الشجري
