#انتي_ملاك
انتي ملاك وطينتك ماهي بطين
من نور مخلوقة يحضرة مدامك
يالملهمة ياشيخة الحسن والزين
سلطانة العرش الجمالي بوسامك
في وصفك الفاتن تضيع العناوين
وحتى الغزل نوره يتيه بظلامك
حبك سرى يابنت وسط الشرايين
وبين الضلوع العوج ثابت غرامك
في مشيتك عزة وهيبتة سلاطين
وشموخك البارز بمنطق كلامك
ايه اعشقك واغليك بالقلب تبقين
حتى لو بصدري تناثر سهامك
واغليك لو انك بعيدة عن العين
مصيون حبك والغلا واحترامك
يجذبني اليك العطف واللطف واللين
والشوق واحساسي وحتى سلامك
بالمختصر قلبي غدى بين نارين
نار الغـرام ونار شـوقـي لهـيامك
وكتبت لجلك مقصدي اوصفك لين
عـجـزت عـن وصفً يليق بمقامك
فهد صالح الشمري
|