][ .. طاقات و حافز .. ][ .. فكره ولا أروع ..
اسعد الله اوقاتكم بكل خير ..
كنت امس في جلسه ومعنا واحد يشتغل في ( طاقات ) شركة توظيف السعوديين .. واللي إنبثقت هههههه حلوه انبثقت .. صدقوني جت بمكانها المهم انها انبثقت من حافز اللي قررت تصرف راتب شهري للعاطلين عن العمل
لكن لمّا شرَح لنا الاخ فكرة الشركه والهدف منها بصراحه اعجبتني الفكره واعجبني نظامهم
حافز هذي تعتبر حكوميه وهي المسئوله عن صرف رواتب العاطلين عن العمل 2000 ريال شهريا وقد تم التفاهم مع العاطلين عبر رسائل الجوال وتم اخذ المعلومات الكافيه عنهم بما فيهم ارقام حساباتهم في البنوك .. وينتظر ان يتم الصرف في محرم او صفر
ولكن تعالوا نشوف المهم في الموضوع .. فالصرف لن يستمر على كيفهم ههههههه
شركة طاقات والنابعه من شركة بريطانيه اسمها انجوس شغلها الأساسي هو ايجاد وظيفه للعاطلين ولها فروع بدول عديده بالشرق الادنى والاقصى وافريقيا .. المهم ان طاقات همها الاول والاخير كيفيه ايجاد وظائف من القطاع الخاص وبرواتب لا تقل عن 3000 ريال حسب نظام الأجور اللي أقره خادم الحرمين الشريفين أطال الله في عمره
يعني لو شهادتك سادس ابتدائي ولا خبره ولا دورات ولا شي .. تستلمك طاقات وتعطيك بعض الدورات التثقيفيه وتعينك بوظيفه لا يقل راتبها عن 3000 ريال .. وكلما زادت شهاداتك وخبراتك بيكون مرتبك أعلى اكيد
وهل تصدقون أنه خلال فتره وجيزه استطاعت طاقات إيجاد 300 وظيفه بحائل فقط !! وبرواتب مناسبه !
طريقتهم في التعامل مع العاطل // :
طاقات .. تتصل بك وتحدد موعد لمقابلتك مع متقدمين لك وتضعكم ( مجموعات ) وبعد ان تشرح لكم الوضع كاملا .. يتم إيعازك لموظفك الخاص بك والمسئول عن ايجاد وظيفه لك او بالأحرى مساعدتك على ايجاد الوظيفه ..
ولديهم دروات بسيطه عن الإداره وعن المقابله الشخصيه وعن الاشياء الاساسيه لشخص يتقدم لوظيفه .. وتشترط طاقات بأن تكون متعاونا معها وان تلتزم بكافة مواعيدها حيث انها ستكون على اتصال معك .. كل اسبوع اسبوعين بعد ان تنهي دوراتك المقرره .. والدورات هنا لا تتعدي ساعات ليس أكثر ..
وتقوم طاقات عبر موظفك الخاص .. بالإتصال كلما يجدون وظيفه مناسبه وتعرض عليك ولك الحق ان تقبل او ترفض .. طبعا بهالحاله تكون إعانتك ماشيه شهريا بحسابك .. ولو رفضت الوظيفه تنتظر لكي تعرض عليك اخرى وثالثه .. وعندما تستمر بالرفض هنا مشكله هههههههههه ستقوم طاقات بإرسال تقرير عنك لحافز تفيدهم بأنك لعاب ههههههه ويتم قطع الإعانه على الفور
وهنا المشكله هههههههههه يعني لازم يتأكدون بأنك جاد وتبحث عن وظيفه .. وهذه النقطه مطاطه بالحيل هههههه يعني وش يضمن انهم يعرضون عليك شي غير مناسب مرتين ثلاث واذا رفضت بيقطعون عنك الاعانه .. عموما بشكل عام من يبحث عن عمل فلن يرفض اكثر من ثلاث عروض ويرضى بالبطاله //
فيجب عليك التعاون التام مع طاقات لأنهم يرسلون تقرير شهري لحافز عنك هههههههه حافز تعرفها ؟ ههههه هي اللي تحفزك لكل شي هههههههه ام الـ 2000 شهري ![Smilie](images/smilies/smile.gif)
اعجبتني طريقتهم خطه رهيبه من جد .. الله يوفقهم ويوفق شبابنا العاطلين بوظايف تملا عيونهم ورواتب اكثر مما يتوقعون
ودي ووردي ..
|