الشاعر الراوي فهد الغسلان رحمه الله

الشاعر والراوي فهد بن حمد العلي الغسلان00

ولد رحمه الله في بلدة بقعاء في عام 1320 للهجره وكان والده حمد الغسلان قارئا للقران فقام امير حائل

بأرساله الى بقعاء خطيبا فتزوج منهم وانجبت له فهد وتوفي والده وعمره سنتين وبقي الى جنب والدته

واخواله في بقعاء وترعرع هناك بالرغم من محاولات اخوانه لابيه اقناعه بالسكن معهم في حائل00

كان خاله سليمان البدر من احفظ الرواة للتاريخ وهو الذي جلس الاديب منديل الفهيد اسبوعا كاملا معه في

بقعاء يكتب منه قبل تاليفه للكتب وقال منديل قبل رحيله مااخذت ولا سدس حفظ هالشخص00

بزغ نجم فهد بالشعر وهو صغير وحفظ التاريخ والتراث والاشعار من خاله فقال قصيدته الرائعه:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياهـيـه ابـي يـمـهـم عجـلن وانا حافي=مالي غرض بس ابي داف الحشى اشوفه
لولا الـغـلا كـان كـثـر الـمشي ينعافي=مشي(ن)بلـيـا غرض كله ردى شوفه
يـامـن لـقـلـبـن يـتـلـه نـاب الاردافـي=تـل الـغـروب الـمـلي والـبـيـر غاروفه
لااواهـنـي مـن يـحـب المبسم الصافي=قبل الـمـمـات وعـفـاش الـقبر وصدوفه
سـمـيـتـنـي عـقـب ماني قبل مـتـعـافي=ولـعـبـت بـي لـعـب جـهـالـن بـشاحوفه
يـالايـمـي جـعـل تـبـلى بـيــد الاشلافي=والا بـحـيـة نـفـودن نـابـتـن صـوفـه[/poem]

اشتهر رحمه الله بين اهالي منطقة حائل واصبح له مجلسا معروفا تجتمع فيه كبار السن ومحبي التراث وكذلك

عابري السبيل اللي يمرون بقعاء من اهل الباديه وغيرهم00

يرتاحون لحديثه ورواياته لدرجة ان القضاة في بقعاء اذا حكموا بجلد شخص مذنب كتبوا في صك الحكم ان

يجلد امام مجلس ابن غسلان(وقد رايت ذلك في الصكوك القديمه)000

وهو دليل على كثرة الناس في مجلسه ليكون اكثر للفضيحه والتاديب0 وقد اشتهرت سامريته ومنها:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
واعذابي واعذابي واعذابي من عذاب=عـذبـن زيـن الخيال الله يـعـيـن المستـعـيـن
عـذبـنـي عـذبـنـي بالهوى تلع الرقاب=واودعـنـي واودعـنـي مـثـل عودن بالبطـين
والـثـنـايا والثنايا كنهن ضيق السحاب=والـنـهود اقعود كنه بالوصايف طـلـع تـيـن
سمي خلي يوم احلي بالجراب عن التراب=وان زعل خـلـه يعله يبي غيري مايـبـيـن[/poem]

وعندما غضب عليه اخوه ابراهيم الغسلان لرفضه السكن في حائل برر ذلك بسبب حبه لاهل بقعاء ومايتصفون

به من الكرم والمرجله فقال من ضمن قصيدة الاعتذار لاخيه ابراهيم:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياشوق بـنـتـن لاتحـالـيـت خده=ماكنه الا الـبـدر وقـت الصحـاتـي
اعـطـه كلامي ثم جـب لي مـرده=وحذرا وبالـك عـن كثير الـشـناتي
انا عـضـيـدك لاحـصل يوم شده=وابـيـك حـبـسـن لي بتالي حـيـاتي
يـاديـرتـي لاجـاء لـيـالـي مـجـده=تـطـرب قـلوب اللي مشوا بالدواتي
ديـرة جـدود لـلـضـيـوف اسـتعده=اهل الصخى نـقـوة عيال الصفاتي[/poem]
وقد اشتهر بالكرم رحمه الله وقيلت به الاشعار تمدح مواقفه الرجوليه الكريمه حتى بلغت القصائد التي

قيلت فيه خمسة وثلاثين قصيده منها:

قول راشد ابن مشعان من الجعفر عندما كان متغربا في العراق:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

وين الصديق اللي يودن ويغلين=يكـشـف على مابالـظـلـوع الـدفـيـنـه
مثل فهد يـنـظر لحالي ويـبـريـن=يـبـري هـواجـيـسـن بقلبي كـمـيـنـه
يابوحـمـد ويـلاه ويـنك وانا وين=بـيـنـي وبـيـنـك مايـبـيـد السـمـيـنـه[/poem]

وقول محمد الخميس ايضا عندما تغرب عن الديره فقال:[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

انشد عن اللي بابه الصبح مهجوج=وبالـلـيــل لاهـجـه يـشــب الـسـراجي
ابوحمد تـلـقـى سـوالـيـف وهروج=وصيـنـيـتـن به من عـصـيـب النعاجي
ودلال بـغـدادن عـلـى جال صهروج=تلـقـى هـشــيـم الـنـار مـثـل الكراجي[/poem]

وقول محمد ايضا:[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

شـدن ومـدن بـالـرفـق والـمـــداراه=والعـصـر عـنـدك ياكريم العيالي
يابـوحـمـد يـاريـف هـجـنـن مجيعاه=لاروحن طـرق الـمـزاهب خوالي[/poem]


وله قصيده شهيره بالقهوه وتوصيفها بتفاصيلها وهي رباعيه منها:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

اول بـداتـي هـات يـاديـب قــم هــات=شـب الضوا للي يـبـون الـمروات
واذا امتلى المجلس بهرجن وضحكات=احـمس وقرب لي جـمـيـع الـمعاميل
واحـمـس لـنـا مـن حـب صـنعاء نقيه=واشـفـق عليها قبل خـطـو الـدهـيه
ياشـوق مـن قـرنــه يـعـقـل الـمـطـيه=ولاتحـرقـه ياقـرم الاولاد بالحـيـل
ودقـه بـنـجـرن يـسـمـعونه هل الكيف=لاطـق بالـهـاون غـدى له رفاريف
عـويـل ذيـبـن طـالـع الهوش بالصيف=حاف الـغـنم واقـفـى يقبه هـلاهـيل
واذا قـضـت صـبـه عـلـى الحاضرينا=وقـص الجـمـاعـه يافـتى من يـمـينا
هـذاك ماجـوب الـنـشـامــا عـلــيــنــا=ولابــد ماتـمـضـي كـمـالحـلـم بالليل
ياعـل رجـلـن يـتـرك الـطـيـب لـلـجوع=ياتـيـه مـن بـيـن الـمخاليق شالوع
يامحـسـبـن لـلـجــوع والجـوع مـدفـوع=يرزقك من ينشي السحاب المظاليل[/poem]


وله رحمه الله تعالى سامريه مشهوره تنسب لغيره دائما وهي:[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الا يامن لـقـلـبـن كلـمـا قلت اسـفـهـل وتـاب=تـعـنـز لـي عـزاي وقـردي الاول تـهـيـالي
عزاي ان زاد من زولن ذبحني وانهزم للباب=توحـش كالوحـش وانحاش عني للخلا الخالي
ابوخـمـسـة دقـوقـن فـوق خـده والـسديس ذياب=يجرن بالهوى جر الرشاء من دون محالي
عـسى من لامني في حبها يـبـلا بـســم الـداب=عريض المقدم الاول قصير الـمـيـخر التالي[/poem]


لااحب ان اطيل في سرد اشعاره وقصصه ومواقفه رحمه الله خشية الاطاله وقد توفي عام 1405 للهجره

في الثمانين من العمر 00 والغريب ان له تسعة اولاد واولاده وكذلك احفاده ليس فيهم من مال للشعر والتاريخ

سوى حفيده كاتب هذه السطور فقط000 رحمه الله رحمة واسعه00