[poem=font="times new roman,5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إلى متى وأنتي كذا يافلسطين=وحنا كذا ماغير نكتب قصايد
أقولها والدمع مايفارق العين=لشفت وضعك بالفضاء والجرايد
محبتك ماهي حكاوي دواويين=محبتك في القلب مثل العقايد
ياغالية لوخانوا الروس تدرين=أن الرخم لو هدّ ماهو بصايد
وأدري بعد تدرين بأن السلاطين=مهما حكوا ماعاد فيهم فوايد
حنا فقارى لو ملكنا ملايين=يكفيك بأن الذل باين وزايد
نعيش ناكل تقل مشروع تسمين=مابين غرب وشرق والوضع كايد
ماودي آيس منك وأقول بعدين=لعل يأتي تالي الوقت قايد
قايد يرجعكي لحضن المصليّن=ويلبسك بالعز أحلى القلايد
من عادة الأمة تعود بعد حين=لوطولت تبقى العوايد عوايد
حكامنا ماني مطالبهم بشين=ماعندهم غير الحكي والوعايد
أبي أردد اسمك أخاف تنسيين=أن العرب مازال فيهم ولايد
أبكتبك مليون مرة فلسطين=لعل تشفع للفقير القصايد
[/poem]
فلاح العايد