| | ليه لامني بغيتك .. مالقيتك .. وليه لامن ضاقت الدنيا .. اجيك ؟ | |

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]




ليه لامني بغيتك .. مالقيتك ؟
وليه لامن ضاقت الدنيا .. اجيك ؟

وليه تجفاني وانا ماقد جفيتك ؟
وليه تتركني وتدري اني ابيك ؟

اسئله تاهت فـ بالي ثم .. جيتك
اسئلك منها .. ماجيتك ارتجيك

والشكاوي ماتفيد ولو شكيتك ؟
بشتكي لك منك .. والشكوى عليك !

ابتديتك .. وانتهيتك .. وابتديتك ،
وبنتهيك .. وببتديك .. وبنتهيك .. !

لانك اغلى من على الدنيا رأيتك ،
ولان جمال الكون كله مكتسيك !

تبتعد وتحط بآني .. مابغيتك ،
وانت تدري مالك فقلبي شريك !

ماخذلتك .. ماخدعتك .. ماسليتك ،
وافي ، وببقى وانا منك .. وإليك !

يالعل وياعسى ولا .. ياليتك :
تلتفت للي من الفرقا .. دريك

ولاتفكر .. لاتظن اني نسيتك ،
والله ان اموت وانا آموت فيك .. !




( جابر بن علوش )


آتمنى ترتقي لذآئقتكم




[/ALIGN][/CELL][/TABLE1][/ALIGN]