[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
هلا حي الجواب اللي لفانـي والعبـاد هجـوع=عشيرن عن خطاه اعطى خفوقي بالهوى توضيح
هلا بك عد وناتن نثرهـن صـدري المفجـوع=وماقام الشجر ترقص غصونه في هبوب الريـح
هلا بك عد ماشافت عيوني مـن نخـل وزروع=ومافاحت مع النسمه روايح من فيـاض الشيـح
هلا بك ياهلا مليون لاجـل الجـادل المربـوع=عنودن لو بغيت اجحد غرامـه بـان بالتلميـح
غرامي عن هوى غيري غريبن يالغلا بالنـوع=انا لولا الخجل والله من اسباب الهوى لااصيـح
وحبك ياهوى بالي غدى وسط الحشى مطبـوع=معك في جرح محبوبك متى مايعجبك تصريـح
الا ياعزوتي روفي بقلبن جـاك يمشـي طـوع=يريد من الهوى راحه وذاق الغبـن والتجريـح
غشيمن يرتجي ياخذ من دروب الهوى منفـوع=وصار الجرح فوق الربح عند الفحص والترجيح
اذا قلبك مشى صوبي ثلاث اشبار جيتـك بـوع=نصيبي بالمطر قطره وغرسك شال كل السيـح
اتابع رمشك الساحر وقيـل ان الحـلا متبـوع=ولاارضى بالرحيل الا نشوف عن الغلط تصحيح
انا ماارضى هوان النفس لو حطن على الينبوع=ولو جمر الهوى ذابح خذيت عن الخزى تصفيح
ترى فعل الغلط عادي مدام ان الغلـط مرجـوع=ويكبر كان عاندتوا وزدتـوا عسكـر التسليـح
ومن خلا سلوم العشق نيرانه تصوعـه صـوع=ولايبري جروح الغبـن مستشفـى ولا تشريـح
سعادة من يبوق العهد صعبه مثل حـب الكـوع=مثل من يرتجي قطع النفـود وموتـره تشليـح
مواري طبعكم يظهر غرامي عندكـم مجـدوع=وليت القلب لا عافـك يفيـده بالهـوى تصليـح
عسيرن ينجح الراسب وترفع عنـده المجمـوع=ولو تشرح لها حبك بكـل الوصـف والتنقيـح
وقالت عشقي الماضي تـراه بخافقـي مشمـوع=لان الحـب الاول دوم ناجـح مايبـي تنجيـح
عرفت ان اول السكان هرجه بالحشى مسمـوع=الاول دايمـن يبقـى ولا ينفـع معـه تنزيـح
خفوق البنت لو تمضي حياته بالهـوى مخـدوع=متى ماعاد خادعها يفـوز ويضمـن الترشيـح
الاول ضامنـن بيتـه وقـدره دايمـن مرفـوع=ومهما يجرح الخافق جروحـه تقبـل التمسيـح
رحلت بخافقن تنزف جروحـه بالقهـر مدفـوع=ودامي جيت بالتالي رضيت الفصل والتسريـح [/poem]