ملكة قلبي
كلها على بعضها تحفة ألماس
في ردها..في عقلها..في أدبها
كنّها حلمي وانا بلحظة نعاس
حلمٍ صحى بين عينها وهدبها
انا عشت معها أفضل احساس
نادت قلبي .. وقلبي لبّى طلبها
ملكة قلبي..وحبها يرفع الراس
ما وجدته بين عجم الارض وعربها
في صوتها احس بأحلى الانفاس
ورأيت فيها اجمل العيون وهدبها
روعةً أحلى من املٍ بلحظة ياس
وابدا مافيه مخلوق لقلبي سبقها
عشقي ، عفه وعفاف واحساس
حبي لها اوضح من النور وابها
كأنها بدلالها طفل جداً حسّاس
وهي ، احترام نفسها يفضح عتبها
عاشرت وشفت كثير أجناس
بس ما لقيت من غرامٍ غلبها
غاليه وحازت بقلبي على الكاس
وياحظ قلبي لأنه فاز بذهبها
لو جمعت ما قرأوه كل الناس
من قصايد ودواوين الحب وكتبها
ما وفيت حق من قدّها مياس
لأنها أغلى هدية ربي لي وهبها