أنا معك
أنا معك مادام فيني عرق ينبض بالحياة!
وانا معك مادام قلبك يالغلا
يحتاجني!!
وانا معك وافي إلين العمر ياصل منتهاه!
وان طاحت ايامي على دربك أمانة لمني!!
أنا الفقير لشوفة عيونك بعد عفو الإله!
وانا الجريح اللي معك طبه ولا داويتني!!
ياصاحبي وانا خبر تايه وضايع مبتداه!
مرفوع بالضمة وأنت بحسرتي ضميتني!!
أكتب قصايد في عيونك ماتناقلها الرواة!
ولا نظمها قيس ليلى-وانت ماعبرتني!!
إلى متى هذا الجفاوالبعد ياعذب الشفاه!
تشوفني ضامي لوصلك ليه ما أسقيتني؟!!
يعني [عذابي,والقهر,والحزن] هذا اللي تباه!
أبشرك شربتها في غيبتك وارويتني!!
لكن ابصبر دامك لقلبي هواه ومبتغاه!
والله مابعد عنك لو طول الحياة اشقيتني!!
لأنك اغلى من كتب في دفتر ايامي هواه!
أكبرمحال انساك حتى لاانت ما حبيتني!!
ياصاحبي خل العمر يفنا وياصل منتهاه!
أنامعك مادمتنا أحتاجك
وتحتاجني!!
راقت لي ونقلتها لكم
العرض الشجري
