الىى متى ياجامعه حايل !!

السلام عليكم ورحمه الله وبركاته

مرحباأأ اخواني واخواتي راح ابدا بالموضوع من غير اي مقدمات
(جامعهه حايل) للسنه التحضريه الاقسام الشرعيه = الكليات الانسانيه
السالفه ومافيها المصخره كل يوم عن الثاني تكبر بهالجامعهه !! ومين الضحيهه فيران التجارب الأسف الي هم
الطلاب والطالبات !!
1 - لايوجد باالجامعهه الا قاعهه كبرى وحده فقط = هالقاعه يختبرون فيها طالبات العلمي والادبي
بالنهائي وبالشهري بهالقاعه مع العلم الاختبار 25 دقيقه فقط !! السبب العدد واجد والوقت مايكفيهم يختبرون
الاعداد الهائله من الطالبات وهم ضلموننا بالوقت والسبب انهم جامعين الادبي والعلمي جميع !! طيب انا وش ذنبي!!
2- هالاختبار ببعض مناطق المملكه ومعروفه ان الوقت فيه قليل لاكن مو بهالشكل لاكنهم هم اختياري وحنى ياجامعه
حايل الاختبار نصاَ نكتبه يعني ماهو تعال اختار واطلع. لا الاختبار اسأله واجوبه !! يعني حسبي الله عليهم مايمديني احل.
وهالاسأله المقاليه الي تطب اجابات يبيلها اقل شي لكل سوال 4 ولا 5 دقايق الاجابه. ماهو يخلون الاختبار كله 25 .
3- الدكتورات فيه نقص واجد بالدكتورات والسبب ان الاوليات والدكتورات يودونهم الاقسام العلميه1-الطب 2- الهندسه
( يعني والادبي مالهم رب !! كفار مثلا !! طيب ويوم انكم ماعندكم امكانيات للسنه التحضيريه الاقسام
الادبيه ليه تحطونها من الاساس الانهم حاطين الادبي والعلمي بجامعه وحدهه) فوق اربعه الاالف طالبه بمبنى واحد !!
بالله هل يعقل هالكلام !! قسم بالله حج مو جامعهه !! طيب وين راحت ميزانيات الجامعهه !! من جد هااذا المضحك المبكي
كم مصروف عليها !! مبلغ وقدره !! واخرتها يجمعوني مع العلمي !! ويضلموني بالوقت وخصوصا بالاختبارات !!
4- مشكله البيارات وانتم بكرامه لها اسابيع واسابيع والبيارات طافحهه !! طيب وين اجلس داخل !! هو العدد هائل مستحيل
تجلس داخل لازم تطلع برا عشان تتنفس اصلاا الجو كتمه وحر من غير بيارات ماهو عاد نتحمل قرف البيارات فوق هالقرف
الي حنىى مستحملينه !! حتى الجو ملوث وماهو صحي ابدا والمكان قسم بالله انه مو مهيئه ولو 10 بالميه !! وينكم يالعماده!!
5- الكتب الي ندرسها = الملازم الاننا حالياء معتمدين على الملازم كلها أخطاء مطبعيهه والله ياجعلي افقد اغلى مااملك كاني
مو صادقهه مع العلم ان اكثر مناهجنا بالانقلش. واسال الدكتوؤره تقول مادري وش التصيح لهاذا الخطاء !! اجل مين اسال الفراش
هو الي بيجاوبني !! مادهه ال ( الصحهه العامه - الاحصاء - ملازم الانقلش - الحاسب) = كلهم اخطاء مطبعيه !! طيب والحل !! ومعلومه
احب اضيفها كان فيه اختبار بنصف هالترم الانلقش ويوم جاء وقت الاعلان عن النتايج نص الدفعهه صاقطين !! والسبب
فيه ناس ماعطوهم خبر الدكتورات ان فيه اختبار وناس طبعا نفس الدكتوؤرات حلهم خطا!! طيب اذا الملزمهه كلها اخطاء
مطبعيه والدكتوؤره تحل خطاء !! انا وش اسوي بهالموقف !! حتىى الاوراق يوم فتحوهم اكثر من 20 طالبه كانو ساقطين
ماخذين 19 من 50 طبعاء تفاجئنا انهم ماخذين امتياز 44 من 50 !! والسبب جايبين لي معلمات هنديات عشانهم ارخص
بالرواتب والوحده تدربي راسهه وتدمر مستقبل هالبنت !! وكان تجمع هائل وقتها عند باب العماده.

والمضحك ان العماده قامو بالدخول الى بعض القاعات اثناء شرح معلمات الحاسب بالجنسيهه الهنديه و و و تكثر القائمه
تدخل وتقول ( مشو انفسكم وسلكو لها لين مالله يفرجها ) !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من جد لاحول ولا قوه الا بالله
وصار اكثر من اجتماع للعميد والعميدهه وسالوهم انهم بادين بالطلاب في ماده لاانلقش من الصفر والحاسب الي ندرسه وكأنه
على مستوا واحد متخرج من الجامعهه! ويجاوب ( اعتذر عن الاجابه) !!!! ولا رقعها ( حتى العيال سالوني هالسوال ) !!

ونرجعع للدكتوؤرات انا حالياء وكل الكلاسات والله العضيم اقل شي تمر علينا تسعهه دكتوؤرات بمادهه وحده!! والسبب ان الاقسام
العلميه مو عاجبتهم الدكتوؤره وطبعاء يرمونها علينا !! الان بالاجتماع قايلينها الاولويات للاقسام العلميه !! اجل لازينتو
جامعهه مثل الناس والعالم الادبي تعالو وحطو سنه تحضيريه لهم لاكن انكم تضلموننا كذا والله حرام .
9 دكتوؤرات بس لماده وحده !! حتى الواجبات الي يعطوننا مادري اعطيها مين يعني فوضى !!
بحكم ان هالفوضى هاصرت نطالب باأننا ندخل التخصصات المطلوبه على شهادهه الثنوي وليس على السنه التحضيريه
ولا يشوفون لنا صرفهه نص الدفعهه ساقطه طبعا والي مو ساقط معدلها زفت = ماراح تدخل التخصص الي تبيه والسبب
ابد مو اهمال السبب ان الجامعهه فاشله ومحبطه لحد الانتحار اتمنى ان الي يقرا الموضوع يحاول بنشرهه الى مايشوفون
لنا صرفهه والله يوفق الجميع وحسبي الله عليهم والله لايحلهم لادنياء ولا اخره هالي مقترح نضام السنه التحضيريه
بحايل الادبي وهي غير مهيئه ولو سالب صفر ..