هلا وغلا بالجميع واللغز الجديد من نوع السهل الممتنع
وكالعاده نبدا بالموال:
[poem=font=",6,black,bold,normal" bkcolor="royalblue" bkimage="" border="double,8,darkred" type=2 line=0 align=center use=ex num="0,black""]
عيون اللي ورى الصيده رماح الموت باصباعه=يشيل الموت باصباعه اليا لاح الحبارى لوح
مراميع العرب كله قصارن دون مرماعه=واذا شاف الحباري راح تلقى خـربهـن مسدوح
عشيري من جميع البيض شال الزين بانواعه=طلبتك ترحـمـين اللي غرامـه مايـريـد شروح
الا يامنوة الخافق وراس المال واطماعه=وسلوة عاشقن دمعه على خــد الـعـناء مسفوح
انا جيت الطبيب وحط فوق الصدر سماعه=وجاب الفحص والناتج خفوقن بالـغـلا مشـفوح
وقال ان الظماير فات سبع شهور مرتاعه=وصدره كاتمن نارن من الضيـقـه غـدى له فوح
تقول انه نهش حاله ذياب الجال وسباعه=او انه عاشقن غنجاء ولاكنه يخـاف الـبـوح
وقال ان الدواء رشفة ثنايا خفرتن ضاعه=عنودن مثل عين الريم حطتكم على الجـابـوح
وقلت اعلن خبر موتي على العالم بمذياعه=وقل موته سبب خـشـفـن تـروه بذبحـنـا مـسـمـوح [/poem]
اما اللغز فهو هذا هو الله يفكه من النقاوي الغثيث00
[poem=font=",6,orange,normal,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""]
تسيل المدامع من قهر خافقن محروم=اذا ماذكرت خدودك اللي تقل جمار
غدى خافقي طيرن عزيزن خذاه الحوم=وراعيه ينشد سارح الطرش والدوار
رجمت الحشى من قبل لا تنذر المرجوم=وحكمك صدر ظالم على خافقن محتار
رميتن بوجه البرد عاري بدون هدوم=بوجه الهبايب لا مذاري ولا من نار
حسافات ياقصرن بنيته غدى مهدوم=جداره عقب ما ناش غيمك وقع وانهار
ابي انشدك عن رجل عزيزن لنا محشوم=عـزيـزن عـلـى كـل الـذي يسكـنـون الـدار
اذا زار له رجــل غــدى ضـايـعــن مكتوم=واذا زار لـه عــذراء ظـهــر للعـباد جهار
الانثى حـنــون وتطــلـعـه عـنــد كل القـوم=واشـوف الـذكر يخـفــيه كـنــه بلا مقــدار[/poem]