الارض ياصبره على بعض البشر=وشلون ترضاهم عليها يدعسون
وشلون ما تقلب عواليها حدر=وتدعس عليهم لين تحته يسكنون
اهل النفوس اللي معباتٍ كبر=واهل القلوب اللي تَعَبَّتْ با الظنون
واهل الحقد والحسْدواصحاب البطر=ياليتهم فوق الثرى مايكثرون
قلوبهم من حقدها تقدح شرر=حتى بحق اللي خلقهم يبخلون
اقلوبهم مليانةٍ دمٍ حمر=يقرون بالتنزيل مالم يفعلون
يقرون بالقرآن توجيه وعبر=وعيوّ بتوجيه المهيمن يقنعون
ياويلهم من يوم كلا لا وزر=يا عرضت الاعمال قدام العيون
تعرض صحايفهم الياحان القدر=ويلقون في طياتها مايضمرون
عند المليك العادل اللي مقتدر=ومن الكرام الكاتبين يحضرون
مشعل عسام التريباني الشمري في 1/11/1441هجري
العضو الأكثر نشاطاً هذا اليوم 
العرض الشجري
