عـبث

تمر القلب وسمية غرام وتنبت اشواقى
سنابل عشق فضلوع الحنين وعين مغليها


سلام الله على طهر السنين وعطرها الباقى
سلامى كل مامر السحاب وحل طاريها


احس العمر بيدين الخريف يهزهز اوراقى
واحس ان الربيع بقلب ذكرانا واناديها


على كثر الليالى اللى تمر وتدفن اعماقى
يبان الكذب فعيون الزمان ان قلت ناسيها


كأن البعدهو زهرة غرام وقلبى الساقى
وكأنى قلت لو يكبر جفافى ما أخليها


حبيبى وانت فى خامس جروحك تشعل افراقى
وانا فى عيد ميلادك شموعك انطفى فيها


تعال ابيك..محتاجك..انا فى غيبتك شاقى
أحبك والحياه اللى اتحرمنى منك مابيها


حبيبى اهواك ولو تغرس جفاك بأرض عشاقى
لك الله مانبت الا غرامك فى اراضيها


غيابك شى ماضيق سماى وضيق آفاقى
غيابك يقلب الدنيا على راسى وينهيها


سكنت بخمس من عمر الفراق وغيمة اواراقى
تذكرك افصباحات السنين وفى لياليها


تغيب ولكن طيوفك تمر اسراب باحداقى
تمر وتوقض احلام الليالى فى خواليها


عبث لو قلت لك بدفن حنينك واطلق اوثاقى
هداياك وصورك وذكرياتك وين اوديها