* يآ ليل ...!

يا ليل كم ليلة بقت لي عالشـّـقا مجبور ؟ . . . . ياليل كم دمعة بقت لي فـ حاجر عيوني ؟ ياليل خذ مني بقايا الخــاطـر المكـسور . . . . خذ قلبي اللي ماعشق إلا اصعب ظنوني ياليل خذ كذب الفرح بوجه السما منثور . . . .وبلمّ من صدق الحزن بعضه..على هوني ياليل اشربني وهَج .. خبّي ظلام النور . . . . ياليل .. مرّه .. لا تعـاند بوحي و شجوني ياليل شهد رضاي احلى من مرار الجور . . . . العمر يمضي والندى ما فارق جفوني أبكي على شمسي تغيب وصبحي المقهور . . . . واضحك على غفلة هواي ومنتهى جنوني أطرب لموال المطر ولا له عشب وزهور . . . . وانكر غيوم السما و لو هي على لوني أضم من سبعة طيوف .. الثامن المغمور . . . . واطلق سراح الامنيات من قيدي وسجوني أهدي قديم الجرح صمتٍ ساكتٍ مزجور . . . . واجدد الذكرى بدمعي وحرفي و فنوني ارثي غصون مكسره تبكي لسراب طيور . . . . لا هو ظماي ان فارقت او رفرفت دوني لكن بوح النفس صوت..والصدى - مأجور . . . . والليل ما ينبت حكي ان ماتت غصوني ياقلب.. ذا ليل الشقا منتَ عليه مجبور . . . . بسكب على لحظة سكوتك فضة عيوني