على طآري غيابك (وأسود الصوره) .!
بكيت لـ وجهك المرسوم في عيني ..
أمانه ماتحنّ لصاحبك ؟! زوره
أو انك ماولهت لقسوتي وليني !..
تمنيت الوصل ماينتهي دوره
تمنيتك هنا مابين يدّيني ..
هنا مجلاسك بقلبي طفى نوره
وصوتك يآ صدآه اخرسني بـ ويني؟!
أنا وحدي مابين الشعر وبحوره
أنادي لك وأغرق بين قافيني ..
ويدّين الحلم يآ صآح مبتوره
متى أصحى على واقع ينسيني؟..
يطوقني حنين الحب وشروره
وأشوفك فْـ الصور والأمكنه وفيني ..
بقايا ريحتك (وغيابك وجوره)
يضخّ الحزن منّك لْـ شراييني ..
وأنا عالق مابين جروحك و(صوره)!
ترى بعض الصور بروازها عيني ..
ترى بعض الصور بروازها عيني ..
ترى بعض الصور بروازها عيني ..
لذائقتكم أحبتي