وكنتِ لي,,
.................~ سآلم سيآر 
و كنتِ لي,,
مسا مااهوو مثل هذا المساا فـ ليلي ..
و كنتِ لي,,
سما تشبه اغاني النجم للعتمه ..
وكنتِ لي,,
حديث الجمر لاطرافي,,
اذا شبّت موواويلي,,
وقلت اليوم.. بدفى لك :
اخاف شفاهي تخذلني.. وانا اسولف
اخاف اتفتف بكلمة .. "تحبيني "
واشووهها !!
وكنتِ لي,,
نوارس صبح تهدي لي ,,
ورود مغلفه بغيمه,,
او ان الغيم متلحف ,, بورداتك!
وكنتِ لي,,
ضلوع بداخلي تعزف,, على عودي
ولا عدتي,,
بعدك الجمر ما يشبه سوى عمري,,
بعدك العمر ما يشبه سوى جمري,,
أحسه حيل يستهبل
فقد حتى صفة صدري,,
وصار ابرد من كفوفي
وكنتِ لي,,
صباح الخير لا قالو صباح الخير ,,
ابد مااهي تحية صبح ,,
لـ صبح الغير ,, اقدمها لمثل غيرك!!
وكنتِ لي,,
وجيه وجااه لـ عيوني !!
لان وجهك
هوو اجمل عرش تجلس به.. عيون الحاكم
ف عيني ,,
وكنتِ لي,,
ربيع الحان من خُضره
وكنتي بمعظم احيانك ,, تغني لي
لجل انسى ,, فصول الجدب لاغبتي !!
كأنك داريه بالجااي
وكنتِ لي,,
قلوب احباب.. ما حبووا سوى مره ,,
وبعد هالمره ذي:مااتووو
وكنتِ لي,,
طريق من الندى حلمه
يجيب اقدام تومي لي ..
وكنت اجفف يديني ,, بصوت الشمس واتبخر
و ألومك لا ,,
ألوم ان خان منديلي ,,
وكنت اشعر بأنك يالغروب اطول ,,
من الاشجار لا غابت.. تناديلي
وكانت من قهر تسقط علي اوراق مو خضراء,,
وكنت اكتب عليها اسمك.. بحبرٍ سال من قمراا ,,
واقول اتذوقك وامضغ ,,
واحس ان التعب ذا مر..
أبد ما يشبه عيونك
وكنتِ لي,,
مصابيح ,, ومراجيح ,, وكفوف تمدني للريح,,
تطّوح بي
تلوّح بي
واصيح بطوق مدّي لك ,,
انا ما اخترت اختاارك,, لو اني كنت متيقن .. ومحتارك!
تعبت اكذب على دمي,, عشان ارضيك,,
كفايه الدم في بُعدك,, غدا صاايع,,
غدا صاايع,,
احسه صار يتجول ,, وسط هالحاره في عرقي..ولا يلقااك ,,
ولا يلقى سبب مقنع مثل فرقااك,,
وكنتِ لي
رآقت لي فطرحتها بين ايديكم
العرض الشجري
