ضيف الليالي البيض ......

السلام عليكم ورحمة الله وبركاته

اخواني واخواتي .... اساتذتي الأفاضل .... ضيوفنا ومتابعينا في منتدانا العزيز


يااااااااااااا هـــــلا ومليوووووووووون هـــــلا فيكم

آآآآآآسف جــــداً جـــداً على التأخير شوي عليكم

بس والله كثرة الأشغال هي السبب


وعموماً هذي قصيدة مصالحة وتطييب خاطر اهديها لكم جميعاً بعنوان

(( ضسف الليالي البيض )) وبالمناسبة القصيدة هذي غناها الفنان ناصر هزاع في شريط صيف حائل 3

وكالعادة اتمنى من استاذي القدير سرحان تنسيقها ووضعها في اطار وله الشكر الجزيل

أهوم مرقابٍ تلامع نجـومه=وأشوف لي من يمّة سهيل حادي
وأخيل برّاق السحَر في يمـومه=ومن عند ميقاف الأجاويد بادي
ذاك العصامي يشحذ همام قـومه=لو كلّهم باتوا بحلو الرقادي
حبل الرجاء فيهم تراخت عـزومه=واليأس هيجن باللحون الجدادي
والشاعر اللي عز نفسه يـرومه=أصبَح طريد هموم في كل وادي
موت الأماني بالنفوس الكتـومه=سطّر على بيض الدفاتر سوادي
وأنا أن بغيت أقول للحظ قـومه=غمض عيون وحط بإذنه سدادي
ذاك الطريق الصعب .. يصعب قـدومه=دونه غياهيب الدروب البعادي
ضيف الليالي البيض هذي علـومه=جاب التفاؤل وسط حزن الفؤادي
ما يدري إن الحظ بادت سهومه=غنى عليه من المواويل شادي
أصبّحه بالخير في صبح يـومه=وألقى صباحي في مماسيه غادي
جَوّ الكآبة فيه تبرق غيـومه=أمطر مآسي في صحاري بلادي
إن جيت أبنهض قيّدني هـدومه=ما فادني ضدّه كثير العنادي
سوالفه بأقصى الركون محـزومه=والجرح جرحي وأصبح اليوم عادي
إن جيت أسولف عن زمان الخصـومه=بيني وبينه .. لازم أصبِح حيادي
لآخر نفس فيني وعيني تـرومه=ذاك البعيد اللي عن الناس زادي
من حقّ غوّاص البحر لو يعـومه=لا صار يطمح في حصول المرادي
ومن حقّ طلاّب العلا في حلـومه=يصبح على درب العلا خير هادي
ضاقت يديه .. من الجفا في كمـومه=والقاع تشكي من العطش للأيادي
أنام وأصحى في حلوم النعـومه=اديوأنسى خشونة وقتي اللي ينادي
آخذ مع السجّات والفكر حـومه=وعلى ضفاف الشطّ حلمي يبادي
وأهوم مرقابٍ تلامع نجـومه=والياس هيجن باللحون الجدادي