إلى ضحكـتي تـضحك الانس والجـان =وإلى زعـلـتي يزعــل الـكـون كـلــه
يــــادرةٍ عــــزة عــلـى كــل الاثـمــان = بالـوصـف عـن كل الـدرر مستقـلـه
يـافـرحــةٍ تـبـسـمـت بـيـن الاحـــزان = يافــرجــةٍ بـيـن الــشـدايــد مــطـلـه
يــاكـف شهــمٍ مــدهــا يـــم غــرقـــان = باخـر رمـق من تحـت الامواج تلـه
يـاضـوح بـرقٍ لاح بـعـيـون بـــدوان = تباشــروا عـقـب الـسـنـين الـمغــله
يالذة الـغـفـوه عـلى عـيــن نـعــســان = مـره تـغـم الـعــيــن ومــره تــفــلــه
ياجرعـةٍ عذبه على حـلـق عـطـشـان = امن الضما عجـزت اعـظامه تشلـه
يانـشوة الصحه على جـسم وجـعــان = اربـع سـنـيـنٍ ثـاويٍ في مـحــلـــــه
يافيضةٍ عشبه غـدى اشكـال والـوان = بالسدر عن شمس الظهر مستظـله
يانـسمةٍ تـسـللـت بـيـن الاغـــصــــان = ياوردةٍ مـن شــمــهــــا مـايــمــلـــه
صـرتي ورب البـيـت للزين عـنــوان = كنك شعـاع الشمس والناس ظــلـه
لـو قـسمـوا زيـنـك على كل الاقــران = كفى وفاض ومابـقـي شَـيَــنْ لَـلْــه
ماهـمـني غـيـرك من العـالـم انـسـان = من بينهم وسـط الحـشـا مستحـلـه
يارب سـهـل دربهــا وين مـــا كـــان = وخـل الحـياة بوجههـا مـسـفـهـلـه
يارب وفــقـهــا عـلى كــل مــيـــــدان = يارب لاتـجـعــل حــيـاتــه مـمــلـــه
اعــيـذها بالله مـن كــــل شـيــطــــان = واعـيـذهــا من كـل نفـسٍ مـظـلــه
استغـفـر الله واحـمـده عالي الشـــآن = إن شــاء . يغـفـر كل ذنــبٍ وزلـه
العرض الشجري
