معوكس
عزيزي معوكس:
بعد التحية والتقدير
أنا ودي أعرف ليه الدعيع ما يحاول لو محاولة في صد الركلات الترجيحية
صديقك عبدالملك المرشد - الرياض
- كان يفكر بالدهياتسو!
الحبيب الغالي معوكس
بعد السلام
تتوقع ان النصر الموسم الحالي ينافس على البطولات بعد ضم عبدالغني
عاشق العالمي - عثمان القصير
- قبله الواكد ومرزوق وما فيه فايدة!!
الأشهر والأملح معوكس
بعد التحية
ليش مدرب الهلال الحسيني ما هاجم يعني ام صلال يخوف الى هالدرجة
صديقك - بندر العصامي - عنيزة
- لا هاجم ولا دافع والخطة شدوا حيلكم ياشباب!
عزيزي معوكس
بعد التحية
ماشفت المشاكل في مباراة الشباب والاتحاد انتقلت لمنصة جدة بعد الرياض
عبدالرحمن الضويان - الرياض
- شفتها وما شفت رجال الحماية!
الحبيب معوكس
بعد التحية
هل تتوقع ان يكرم الهلاليون المهاجم الكوري سول
صديقك عبدالله السنيدي - الرياض
- على ايه يكرم ماله الا اقرب رحلة لديرته ويودعه مرجان!
عزيزي معوكس
تحية وبعد
وش رايك باللي يهاجمون مؤسس الهلال بطريقة غير هادفة
حمد الدوسري ابومبارك - العزيزية
الله واكبر ياذا المثاليين ما عكر أجواء الرياضة الا تعصبهم.
عزيزي معوكس انصحك بتشجيع النصر لكي يزداد جمهورك عالميا.
اخوك المشجع
النصراوي الوفي
لافي صالح العنزي
- وادخل في اول استفتاء واصير الأفضل بالكعب!
ابوالعواكيس بعد التحية ولك بوسة وش تتوقع للمحياني يسوي مع الهلال عقب دخوله مجال الزواج - اخوك راعي البقر شخيب
- حسب تفاهمه مع فهد مبارك!
العزيز معوكس ابشرك اهل الحارة وزملاء الدوام وشلة الدجة على رأسهم ابوعقيل والحول ذيب مستغربين كيف الكابتن سعد الحارثي يحصد جائزة قناة ابوظبي وهو ماجاب بطولة او صعد منصة
اخوك بدر ابودحيل العواد - مراسل شلة الدجة
- صعود خط الستة!
الغالي معوكس وش تفسيرك على سباق اغلب الأندية على الحصول على رجيع الهلال نهاية كل موسم..
نايف غافل الخنفور القحطاني
- ما عاد فيه رجيع مددوا لهم على البند.
الغالي جدا ابوالعواكيس بعد التحية لماذا جمهور النصر يشجع جميع الفرق ضد الهلال اخوك ابن الزعيم الغامدي المزاحمية
- لا عاد الموسم هذا ماخذين على خاطرهم حتى فريقهم ما شجعوه!
حبيب الملايين معكوس هل ترا الاعلام ظلم فريق الطائرة بنادي الهلال بعد تحقيق البطولات الأخيرة وهل تعرف من هو مساعد المدرب للعبة!
فهد بن مجلي عبدالله الدريس
٠ أكيد ظلمه وزود ما عندهم الا القدم والظاهر رئيس اتحاد الطائرة ما يعرفونه!
الأخ معوكس تحية طيبة ١ كم عمرك؟ ٢ - غريبة يوسف جازع لم يظهر في القنوات الفضائية للتحليل ولا ماعنده واسطة؟ مثل سعد مبارك وماجد وغيرهم
عبدالاله القاسم.
- ماعنده صداقة مع المعدين والمخرجين.
صديقي العزيز معوكس: ما السر في رقم ٤ في المباريات والبطولات والكأس ومبروك الف مبرووك للأبطال الليث - ومتى سيتحفونا باربعة اخرى ومع من ستكون؟
صديقك الدائم - معاذ الحميد
- مرات
- الاتحاد ما قصر واتحفهم باثنين!
معوكس المليح.. الواقع يقول ان الهلال يعتمد على (ثلاث طعش لاعب) والباقين يرحمك الله.. تكملت عدد للسياحة والسفر بمقدم عقد وراتب آخر الشهر
(اخوك - صريح الريح)
- الا مافيه الا ثلاثة والباقي يحولونهم للسياحة ولا الاسكواش!
عزيزي معوكس
بعد التحية
هل توافقني الرأي بان البرازيلي التون افضل لاعب في الموسم
مروان ابراهيم المنصور - الرياض
- يمكن افضل كشه في الموسم!!
العرض الشجري
