بسم الله الرحمن الرحيم
السلام عليكم ورحمة الله وبركاته
اطرح لكم قصيدتي هذه وان شالله تنال اعجابكم
وللمعلوميه اول منتدا اطرح فيه هذه القصيدة هو منتدا بعد حيي
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اخذت من وقتي دروسٍ كثيرات=درستها في دنيتي لين عديت
وحطيتها لي يارفيقي علامات=امشي عليها لامُن اصبحت وامسيت
ماشكي انا للناس وقت الصعيبات=الناس ماتنفع اليامن توفيت
اشكي على المعبود رب السموات=الي يميت ويخرج الحي من ميت
ودرب الكذب مامشيه هو والطمنات=الي يعيب ويجدعن لاتمشيت
امشي مع اهل الطيب واهل الجمالات=كسابت الناموس والمدح والصيت
الي لهم بالطيب روحه وجيات=انا اتشرف عندهم لاتقهويت
واهل النمايم والكذب والخيانات=ابعدت انا عنهم ومنهم تبريت
ودرب الخوي امشيه لو هو مسافات=ماذكر اني عن رفيقي تخليت
والصاحب الي لانوى الصد بسكات=كانه تغلا عن وجوده تغليت
مقيولهٍ قبلي وانا اقوله اثبات =من صد عن عيني فانا عنه صديت
والكلمه الي تجدعن للمتاهات =احذر انا منها قبل قول ياليت
قبل اتوهق وانطقه بالعبارات =والناس خلفي تبتسم يوم زليت
دروس وقتي صغتها وسط الابيات=والعذر منكم كان بالقاف زليت
[/poem]
اخوكم ومحبكم / مــتــعــب الــلــغــيــصــم