ابيات ردثنا بالاخ الغالي اللواء متقاعدغريب بن الخلف التريباني بيض الله وجهه ابووليد

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""]
كثر الله خيركم يابو وليد=ويا عسانا يابن عمي مانعدمك

اشهدانك دوم للصاحب عضيد=ياعسا الرديان من فدوة قدمك

قمت باللازم عسا عمرك مديد=وامتطيت اعلا المراتب في كرمك

فيك يزهى المدح وايلوق القصيد=والعلوم الغانمه صابه سهمك

باالرجوله والشهامه لك رصيد=جيشك الطولات والشيمه خدمك

والتواضع فيك والفعل الفريد=وفزعت المحتاج يامنه زهمك

لابسن ثوب الكرم لبس الجديد=فوق هامات الصخى رفرف علمك

هيلعن تزها المدايح والحميد=شامخ مثل الجبل. توصف قممك

يوم جبت الشعر (بك) جاب المزيد=قال هات البوك (والزاج) وقلمك

واحتزم بي وازهم الجهد المجيد=وابشر اني حاضرن لك في لزمك

خيل شعري حاضره والجاش ميد=والقرين اليا زهمته يحتزمك

اضرب البيداء بكفن من حديد=وامدح اللي في جميله ملتزمك

هات كنز الفكر بالشي الاكيد=واذكر اهل المرجله لافظ فمك

اشهد ان المدح للطيّب حصيد=وان حلفت الفعل يثبت لك قسمك

مختصر ماقلت بالهرج المفيد=انت حرن للعلا يشّر سهمك[/poem]

مشعل عسام الغافل التريباني الشمري في 1442/6/27هـ