مدخل
صحيح مابه سرابٍ يروي الظامي
بس الأماني توّسع صدر راعيها
عمق
مليت .. أجزم أغيب .. وارجع [ لبابك ] ..!
( كن .. الخطاوي .. على دربك . توديني )
اطرق وصالك ويرد الصوت : وش جابك. !
وانا بغيابك .. يطيح الكون من عيني ..
شفها . همومي تعاني لوعة غيابك .. .!
وشفها ضلوعي .. ببعدك / ماتدانيني
وشف بالمحاجر .. [ حنين ] يجرح اهدابك
وشفها حروفي . بعد ما ..غبت ترثيني
مليت.. ادور بك نفس واستنشق اتعابك
مليت اضمك ..وسط صدري وتدميني .
مليت اجي لك ..وله .. ويردني عتابك
وارجع بشوقي .. وحفنة جرح ..بيديني
مليت اموّت جفاك .. وقلبي يحيى بك
مليت .. اعيش التناقض بيني وبيني .!
مليت اسال طريقك . وين ودى بك .. ؟!
ويخنقني الصمت .. ويقتل كل مافيني
مليت اطيح بـ/ تعب والعين ترقى بك .!
كنه عذابي .. دم .. اينام .. بشراييني
تعال جبني /
انا ضايع من غيابك ..
مليت .. اركض وراي و ما .. الاقيني
مخرج
حرام فيك ( الملامة ) و إنت ما تدري
عن وحشة العمر لامن غاب لك غالي
من يقتلك يا الشعور العابث بـ صدري
و من يكتبك يا الكلام اللي على بالي
لاأرواحكم النقيه
العرض الشجري
